დ’ამიკო : “აგვისტოს ბოლომდე ყველაფერი გაირკვევა”

ტურინის “იუვენტუსის” ფორვარდის, ვინჩენცო იაკინტას მომავალი კვლავ გაურკვეველია.რამოდენიმე დღის წინ გაჩნდა ჭორები, რომ იტალიელი ფორვარდი დედაქალაქურ “რომაში” აპირებდა გაგრძელებას, მირკო ვუჩინიჩის შემცვლელად, რომელიც ორშაბათს სწორედ ბებერ ქალბატონთან გააფორმებს კონტრაქტს.ახლა იაკინტა ვინოვოს ბაზაზე ვარჯიშობს და მუხლის ტრავმას იშუშებს, რომელიც ორი კვირის წინ მიიღო.ფეხბურთელის აგენტი, ანდრეა დ’ამიკო აცხადებს, რომ ვინჩენცოს ტურინში დარჩენა სურს, თუმცა რა მოხდება მომავალში, არავინ იცის : “31 აგვისტომდე კიდევ ერთი თვეა, სწორედ ამ პერიოდში ყველაფერი გაირკვევა.ვიცი, რომ ვინჩენცოს ტურინში დარჩენა სურს, რადგან იუვესთან კონტრაქტი აკავშირებს.თუ ბიანკონერები ფეხბურთელს სატრანსფერო ბაზარზე დააყენებენ, ჩვენ მზად ვართ სხვა კლუბებთან მოლაპარაკებები დავიწყოთ.ვფიქრობ, რომ ასე არ მოხდება.”

წყარო : Goal.com