ადმინისტრაციის განცხადება

სტატიებთან დაკავშირებული მცირე ინფორმაცია …

ბოლო პერიოდში შეამჩნევდით , რომ ჩვენს საიტზე მეტ ნაკლებად იკლო სტატიების რაოდენობამ . ამის უმთავრესი მიზეზი გახლავთ ზაფხულის ” არდადეგები ” და პლიუს რათქმაუნდა აუტანელი სიცხე , რომელიც ფაქტიურად გვაიძულებს ყველანაირი ხერხით თავი დავაღწიოთ მისგან . დამეთანხმებით ასეთ სიტუაციაში საკმაოდ რთულია იჯდე ხშირად კომპიუტერთან და არეფრეშო რამდენიმე ვებ გვერდი ინფორმაციების ძიებაში .   მაგრამ მიუხედავად ამისა , ალბათ უკლებლივ ყველა დამეთანხმებით იმაში , რომ ყველა საჭირო და მნიშვნელოვანი ინფორმაცია ყოველგვარი დაგვიანების გარეშე იდება . ძირითადათ ბოლო პერიოდში , ოპერატიულად სხვადასხვა სატრანსფერო ჭორები არ ქვეყნდება , რომელიც პირადად მე უკვე მომბეზრდა და წაკითხვის სურვილიც კი არ მიჩნდება . მომავალში ჩვენ ვგეგმავთ , რომ საერთოდ ამოვიღოთ ასეთი ტიპის ინფორმაციები და საერთოდ რამდენიმე უცხოური წყაროს ბლოკირებასაც კი განვახორციელებთ . მაგალითად Goal.Com – ი , ამ სიის უპირველესი კანდიდატია , სადაც ისეთი ამოუცნობი ” ჯიშის ” მასალები იდება , რომ ზოგჯერ თავი არა დედამიწაზე , არამედ რომელიმე სხვა პლანეტაზე მგონია .

ის ვინც ჩვენს საიტს დიდი ხანია უკვე სტუმრობს , კარგად მოეხსენება რამდენად ოპერატიულია ForzaJuve.Ge . ჩვენ ამ კურსს მომავალშიც შევინარჩუნებთ , უბრალოდ საკმაოდ რთულია ერთ ტემპში მთელი წლის განმავლობაში მუშაობა , ამიტომ მცირე პაუზის და არა ჩავარდნის შემთხვევაში , იმედია გაგებით მოეკიდებით ამ საკითხს . გარწმუნებთ ჩემპიონატის სტარტიდან ყველაფერი ჩვეულ რეჟიმში და ტემპში გაგრძელდება , რადგან ჩვენი ფან კლუბი არ შეიცვლის საკუთარ სახეს და იმ პლიუსებს რაც გააჩნია . მიმდინარე ეტაპზე კი შესაძლოა რამდენიმე სატრანსფერო სიახლე , ერთ დიდ და ვრცელ სტატიად გამოქვეყნდეს ხოლმე საღამოობით . მაგრამ ეს არ ნიშნავს იმას , რომ სტატიები მხოლოდ დილით და საღამოს გამოქვეყნდება , თუ იქნება რაიმე მნიშვნელოვანი სიახლე , ის აუცილებლად ყოველგვარი დაგვიანების გარეშე დაიდება ვებ გვერდზე . არანაირი პირდაპირი ტრანსლიაციების ბმულების დაგვიანება ან საერთოდ დავიწყება , პრინციპში ამაში თავადაც დარწმუნდებოდით , როდესაც ღამის სამ და ოთხ საათზე ერთად ვუყურებდით იუვენტუსის თამაშებს ამერიკის შეერთებულ შტატებში .

ერთი სიტყვით , გმადლობთ , რომ ჩვენთან ერთად ხართ და გარწმუნებთ , თქვენ ყოველთვის იქნებით საქმის კურსში თუ რა ხდება იუვენტუსის გარშემო . პლიუს ამასთან არანაირი დაგვიანება , ეს ყველაფერი ოპერატიულად განხორციელდება .