11 დღე სატრანსფერო ფანჯრის დახურვამდე

სატრანსფერო ფანჯრის დახურვამდე 11 დღე რჩება და იუვენტუსი აქტიურად განაგრძობს მუშაობას არამარტო ფეხბურთელების ყიდვისთვის , არამედ გაყიდვისთვისაც …

მაროტას და პარატიჩის ერთ ერთი მთავარი საზრუნავი ფეხბურთელების გასხვისებაა , რომლებიც არ შედიან ანტონიო კონტეს გეგმებში . სია საკმაოდ გრძელია , თუმცა განხორციელება უზომოდ რთული .  მაგალითად კარვალო ამაურის , მისი მაღალი ხელფასის გამო , არავინ იმატებს . იყო საუბრები თითქოს მისით პალერმო იყო დაინტერესებული , მაგრამ ძამპარინის ყოფილი შეგირდის დაბრუნება ჯერ ძალიან დაბალ ფასში , ხოლო შემდეგ კიდევ უფრო დაბალი ანაზღაურებით სურდა . ბოლო ინფორმაციით , იტალო/ბრაზილიელი , შესაძლოა პარმაში დაბრუნდეს, სადაც გასულ სეზონში არენდის წესით ასპარეზობდა , მაგრამ ჟურნალისტები ამ საკითხზე გადაჭრით ვერაფერს ამბობენ . მის გარშემო ერთი სიტყვით სრული გაუგებრობაა …

კიდევ ერთი ფეხბურთელი რომლის გასხვისებაც , ბიანკონერის საოცრად უჭირს არის ვინჩენცო იაკინტა . წარმოიდგინეთ ფეხბურთელმა , წინასასეზონო მზადების პერიოდში , უკვე სამჯერ მოასწრო ტრავმის მიღება ! ბოლო დაშავების შემდეგ კი ის 40 დღე იქნება მოედნის მიღმა . ტრავმირებული ფეხბურთელის საკუთარ გუნდში ხილვა კი , სავარაუდოდ არავის ენდომება …

აი ხორხე მარტინესის სიტუაცია კი სხვაგვარად გამოიყურება . როგორც ჩანს , ურუგვაელი ფეხბურთელის ტურინული თავგადასავლი დასასრულს მიუახლოვდა . მარტინესის შემდეგი გაჩერება , ისევ კატანია გახდება , სადაც მას აფასებენ და ძალიან უყვართ …

ეს რაც შეეხებოდა , საკმაოდ მტკივნეულ თემას გაყიდვებთან დაკავშირებით , რაც შეეხება შემადგენლობის გაძლიერებას , აქ საკმაოდ საინტერესო სიტუაცია სუფევს  . გახსოვთ ალბათ  ანდრეა პოლის პერსონა . მას მჭიდროდ უკავშირებდნენ ბიანკონერის , რომელიც ანდრეა პირლოს შესაძლო შემცვლელად განიხილებოდა იუვეში საჭიროებისამებრ . როგორც ჩანს , კონტემ არჩევანი იუვეს აღზრდილ ლუკა მარონეზე შეაჩერა , რომელიც სხვათაშორის მის განკარგულებაში იმყოფებოდა სიენაში მუშაობის პერიოდში . ამიტომ იტალიელ სპეციალისტს მშვენივერად მოეხსენება , იმ კადრის რომლის დატოვებაც გადაწყვიტა .

მაროტამ რამდენიმე დღის წინ განაცხადა , რომ მინიმუმ ორ მოთამაშეს შეიძენდა და თუ გავითვალისწინებთ ბოლო დროინდელ ინფორმაციებს , ცხადი გახდება , რომ ბიანკონერი ცენტრალური მცველის პოზიციაზე ლონდონის ჩელსის ბრაზილიელ ფეხბურთელს ალექს აკვირდება , ხოლო მარცხენა ვინგერად ჩეზენას გარემარბი ჯიაკერინი და სევილიას ახალგაზრდა მოთამაშე დიეგო პეროტი ამოურჩევია . იყო ჭორები , რომ თითქოს მაროტა ჯიაკერინისაც გაიფორმებდა და პეროტისაც , მაგრამ ეს ნაკლებად არის მოსალოდნელი . თუმცა , თუ ბიანკონერი გადაწყვიტავს პეპეს გაშვებას ზენიტში , არ არის გამორიცხული ჯიაკერინი სწორედ იმ თანხის ნაწილში მოუვიდეს იუვეს , რომელსაც რუსები გადაიხდიან . აი ალექსთან დაკავშირებით კი სიტუცია თანდათანობით გამოდის ბურუსიდან . ბრაზილიელმა დაადასტურა იუვენტუსის ინტერესი და პლიუს ამასთან ღიად დააფიქსირა სურვილი იასპარეზოს იტალიის 29 გზის ჩემპიონის რიგებში . ბოლო ინფორმაციით , ჯუზეპე მაროტამ ოფიციალურად მიმართა ლონდონის ” ჩელსის ” მის შესახებ . ტურინელებს სურთ არენდის წესით აიყვანონ მცველი , გამოსყიდვის პრესპექტივით . მაროტა თავდაპირველად 2 მილიონ ევროს გადაიხდის , ხოლო სეზონის ბოლოს  6 მილიონად სრულად გამოსყიდის ალექსის უფლებათა პაკეტს .

ერთი სიტყვით , მაროტას განკარგულებაში 11 დღეა , რომ მან ბოლომდე შესძლოს გუნდის დაკომპლექტება , რომელიც ღირსეულად იასპარეზებს მომდევნო სეზონში სერია ა-ში .