სატრანსფერო ფანჯრის დახურვამდე 10 დღე დარჩა

სატრანსფერო ფანჯრის დახურვამდე , სულ რაღაც ათიოდე დღე რჩება და თუ დავუჯერებთ , ბიანკონერის გენერალურ დირექტორს ჯუზეპე მაროტას , 2-3 მნიშვნელოვან შენაძენს გუნდი აუცილებლად გააკეთებს …

ვფიქრობ , არ წარმოადგენს სიახლეს , რომ ამ სამიდან ორი ყველასთვის არის ცნობილი . უპირველესი კანდიდატი გახლავთ ბრაზილიელი ალექსი , რომელმაც გუშინ არცთუ ისე დამაჯერებლად ითამაშა  ლონდონის ჩელსის რიგებში , თუმცა ეს მის სათამაშო კლასს ხაზს ნამდვილად არ გადაუსვამს. იტალიური პრესის ინფორმაციით , ჯუზეპე მაროტამ მიიღო თანხმობა ცენტრალური მცველისგან და ეხლა უკვე მოლაპარაკება უშუალოდ ლონდონური კლუბის ხელმძღვანელობასთან უნდა გაიმართოს . სავარაუდოდ ალექსი , უკვე მომავალ კვირაში მოირგებს ბიანკონერის შავ თეთრ მაისურს …

პ.ს. ბოლო ინფორმაციით , ბიანკონერი გეგმავს ტრანსფერში მარკო სტორარის ჩართვას და ბარტერის განხორციელებას , რაზეც არც ლონდოური კლუბის ხელმძღვანელობაა წინააღმდეგ .

საინტერესო ინფორმაცია გავრცელდა დღევანდელ იტალიურ გამომცემლობებში . ბიანკონერი კვლავინდებურად დაუბრუნდა ელჯერო ელიას საკითხს , რომელსაც როგორც ჩანს საკმაოდ სერიოზულად დაეძაბა ურთიერთობა ჰამბურგის ხელმძღავენლობასთან .  ამას ის ფაქტიც ადასტურებს , რომ გუშინდელ შეხვედრაში ბაიერნთან , ის მოედანზე ბოლო წუთებში შემოვიდა . მაროტა აპირებს ახალი , 10 მილიონიანი წინადადებით მიმართოს ჰოლანდიელის თაობაზე გერმანელ კოლეგებს , რომლებსაც თავის მხრივ არ სურთ ელჯეროსთან განშორება და როგორც ჩანს ძალით აპირებენ მის გერმანიაში დატოვებას . მოარული ხმების თანახმად , კი ელიას თაობაზე მინიმალური წინადადება უნდა შეადგენდეს 15 მილიონს , რასაც მაროტა არ დასთანხმდება .
ალტერნატივა კი არც მეტი არც ნაკლები იბრაჰიმ აფელაია . პარატიჩი/მაროტას დუეტი , აქტიურად აკვირდებიან სიტუაციას , რომელიც ბარსელონას ფლანგელის გარშემო ხდება . ალექსის სანჩესის მოსვლის შემდეგ და პლიუს ალკანტარას მშვენიერი ასპარეზობის ფონზე , აფელაის შანსები მოხვდეს ძირითად შემადგენლობაში ფაქტიურად 0-ს გაუტოლდა . ეს კი მისი ასაკის ფეხბურთელისთვის არაფერი კარგის მომამსწავლებელი არ არის და შესაბამისად , საკმაოდ დიდია იმის შანსი რომ იბრაჰიმი გამოიცვლის კლუბს . ანტონიო კონტე კი გაშლილი ხელებით შეხვდება ამ მოთამაშეს . როგორც ჩანს ბარსელონას მაინც არ სურს ამ ეტაპზე მისი საბოლოოდ გასხვისება და შესაძლოა რომელიმე კლუბში არენდის წესით გაუშვან . აი მაგალითად გუშინ გავრცელდა ინფორმაცია , რომ სევილია აპირებს მის აყვანას , რამაც დიდი აჟიოტაჟი გამოიწვია ჟურნალისტებში , მათი აზრით აფელაი  პეროტის შეცვლის , რომელსაც ასევე იუვენტუსი აკვირდება . მაგრამ დღეს უკვე სიტუაცია შეცვლილია  . თავად იუვენტუსია დაინტერესებული ჰოლანდიელით და საქმე არა არენდას , არამედ ყიდვას ეხება . 8-10 მილიონი ისევე როგორც ელიაზე , ასეთი იქნება მაროტას წინადადება .

ვარგასის საკითხს რაც შეეხება , რომელიც ბოლო პერიოდში ყველამ მიივიწყა . იუვენტუსი მას ბოლო ვარიანტად განიხილავს და თუ ბოლო წამამდე იუვემ ვერ მოახერხა ვერცერთი ზემოთ ჩამოთვლილი მოთამაშის გაფორმება , მაშინ პერუელთან გააფორმებს კონტრაქტს .

და ბოლოს , ემანუელე ჯიაკერინი . ჩეზენას ფეხბურთელი , რომელიც ბოლო პერიოდში არაერთი გუნდის ინტერესის ქვეშ მოხვდა . 26 წლის , საკმაოდ სწრაფი ფლანგელი მოთამაშე , შესაძლოა უკვე მომავალი კვირის პერიოდში ოფიციალურად ჩაირიცხოს იუვენტუსში . გუშინ პირველად განხორციელდა ამ ორი კლუბის წარმომადგენლების შეხვედრა , სადაც ფაქტიურად მიაღწიეს კიდევაც შეთანხმებას …

აქვე ერთი პატარა ინფორმაცია , რომელიც ალბინ ეკდალს ეხება . დღეს, ოფიციალურად გახდა ცნობილი რომ შვედი ფეხბურთელი კარიერას კალიარიში გააგრძელებს . ფეხბურთელი ამ ეტაპიდან ორი კლუბის თანამფლობელობაში იმყოფება .