ლიხტშტაინერის და კიელინის მატჩისშემდგომი კომენტარები

” უდინეში ის იუვენტუსი იქნება საჭირო , რომელმაც მილანთან მეორე ტაიმაში იასპარეზა ” – საუბრობს როსონერისთან ჩატარებული შეხვედრის შემდეგ ბიანკონერის შვეიცარიელი მარჯვენა მცველი სტეფან ლიხტშტაინერი . უნდა აღინიშნოს , რომ ლაციოს ექს ფეხბურთელი საკმოად კარგად გამოიყურებოდა ამ მატჩში და ძალიან დიდი სამუშაოც გასწია . სტეფანი თანაბრად კარგად თამაშობდა დაცვის ხაზშიც და შეტევაშიც აქტიურად ერთვებოდა და ეხმარებოდა თანაგუნდელებს : ” არ შეიძლება მოდუნება ისეთ მეტოქესთან , როგორიც მილანია . თავიდანვე მობილიზებულად უნდა გავსულიყავით მოედანზე და ისე გვეთამაშა , როგორც მეორე ნახევარში . ამის სანაცვლოდ კი ორი გაშვებული ბურთი მივიღეთ . შესვენების შემდეგ გაცილებით აგრესიულები გავხდით და შედეგიც სახეზეა . სერია ა-ს პირველ დაპირისპირებაში , სწორედ ასე უნდა ვითამაშოთ სასურველი შედეგის მისაღებად “ .

მილანთან დასრულებული შეხვედრის შემდეგ , დამწუხრებული იყო ჯორჯო კიელინიც , რომელიც უკეთეს შედეგს მოელოდა გუნდის მიერ მეორე ტაიმაში ნაჩვენები თამაშით : ” როდესაც მილანს თავისუფალ სათამაშო სივრცეს აძლევ , ის აუცილებლად დაგსჯის , რადგან მათ შემადგენლობაში დიდებული ფეხბურთელები ირიცხებიან . დღევანდელ დღეს ეს კიდევ ერთხელ დადასტურდა . ძალიან ეფექტური და ლამაზი გოლები გაგვიტანეს . მეორე მხრივ მარცხი საშინელებაა , რომლის თავიდან აცილება შეხვედრის მიწურულს თავისუფლად შეგვეძლო . დასანანია , მაგრამ შესვენების შემდეგ ნაჩვენებმა თამაშის ხარისხმა იმედი მოგვცა უდინეზესთან წინასამატჩოდ . ორი აზრი არაა , რომ ამ ეტაპზე ფრიულიზე ასპარეზობა არა სასიამოვნოა , გუნდი ბრწყინვალე ფორმაში იმყოფება , მაგრამ ჩვენის მხრივ უკვე საწყისი ეტაპიდან მოგვიწევს მაქსიმალურად დახარჯვა გამარჯვებების მოსაპოვებლად ” .

წყარო : ტურინის იუვენტუსის ოფიციალურუ ვებ გვერდი