აგენტი:”ამაური ტურინში რჩება”

ამაურის აგენტი, ჯამპიერო პოკეტა ამბობს, რომ მიუხედავად მრავალი შემოთავაზებისა, მისი კლიენტი “იუვენტუსში” დარჩება. იტალო-ბრაზილიელმა თავდამსხმელმა უარი განაცხადა “პალერმოში”, “პარმაში”, “მარსელში”, “გალათასარაიში”, “ფენერბახჩესა” და “ტრაბზონსპორში” გადასვლაზე. პოკეტამ Sky Sport  -ს ინტერვიუ მისცა:”ყველა ფეხბურთელს აქვს უფლება, გადაწყვეტილება მიიღოს იმის შესახებ, უნდა თუ არა რომელიმე კლუბში ასპარეზობა. მადლობა ყველას დაინტერესებისათვის, მაგრამ ჩემს კლიენტს “იუვენტუსში” დარჩენა სურს. ამაურის უნდა, რომ დაიბრუნოს სათამაშო ფორმა ყოველდღიური მუხლჩაუხრელი შრომითა და ვარჯიშით. მას უფელბა აქვს ივარჯიშოს იმ გუნდში, ვისთანაც კონტრაქტი აკავშირებს.” – განაცხადა პოკეტამ.

წყარო: Football-Italia