მარკიზიო : “იუვენტუსში” არაერთი ჩემპიონი ირიცხება”

გასულ “უიკ ენდზე” მიღწეული გამარჯვების შემდეგ , ” იუვენტუსმა ” პირველი სამი ქულა მოიპოვა ახალ სეზონში , ხოლო კლაუდიო მარკიზიომ მორიგი  ულამაზესი გოლი გაიტანა : ” სიმართლე გითხრათ , კმაყოფილი ვიქნები თუ ჩვეულებრივ ბურთებსაც გავიტან ხოლმე “ –  ამბობს ახალგაზრდა იტალიელი ნახევარმცველი Sky – სთან საუბარში . ” უმთავრესი  შედეგი იყო, რომელსაც მივაღწიეთ კიდევაც . ასევე მინდა დიდი მადლობა გადავუხადო ანდრეას , მისმა გენიალურმა გადაცემამ საშუალება მომცა მშვენიერი ბურთი გამეტანა . მეორე ნახევარში , მწვრთნელმა მეც და ვიდალსაც შეტევაში აქტიური ჩართვებისკენ მოგვიწოდა . შედეგად, სწორედ ამიტომაც აღვმოჩნდი ფორვარდის პოზიციაზე გოლის ეპიზოდში “ .

” წინასასეზონო მზადების პერიოდში , ჩვენზე იძახდნენ , რომ ჯერ არ ვიყავით ბოლომდე მზად ახალი სეზონისთვის . თუმცა , ბრანდონეკიაში , ამერიკიის შეერთებულ შტატებში და ვინოვოზე გამართულმა მუხლჩაუხრელმა მუშაობამ დადებითი შედეგი მოგვიტანა ” .

” იუვენტუსის ” ასპარეზობაზე , ყველაფერთან ერთად ანდრეა პირლოს გუნდში ჩარიცხვამაც იმოქმედა : ” ბედნიერი ვარ, რომ მის გვერდით მიწევს ასპარეზობა . ჯერ კიდევ ნაკრებიდან ვიცნობდი ანდრეას , თუმცა, ტურინში ეს ურთიერთობა კიდევ უფრო მჭიდრო გახდა . ვფიქრობ , არ ღირს ბევრი სიტყვების დახარჯვა მის მიმართ , ჩვენ ისედაც კარგად გვესმის თუ რა მასშტაბის ფეხბურთელია პირლო . ის ჩემპიონია და საბედნიეროდ , ჩვენს შემადგენლობაში კიდევ არაერთი ასეთი მოთამაშე ირიცხება ” .

ანტონიო კონტეს ახალ ტაქტიკურ სქემაში , მარკიზიოს ექნება საშუალება მაქსიმალურად გამოავლინოს საკუთარი შესაძლებლობები : ” არაერთხელ მითქვამს , რომ ამპლუით ცენტრალური ნახევარმცველი ვარ , თუმცა ისიც დამიმატებია , რომ ნებისმიერ პოზიციაზე შემიძლია ასპარეზობა . თუმცა , მიხარია რომ მწვრთნელმა თავიდანვე იმ პოზიციაზე განმამწესა , სადაც თავს კომფორტულად ვგრძნობ ” .

” კონტე ? არაჩვეულებრივი ხასიათი აქვს , რომლის გადმოცემასაც ჩვენთვის ცდილობს . კვირას გამართული მატჩის შემდეგ , ის საკმაოდ აგრესიულად გამოიყურებოდა გასახდელში , რადგან ბოლო წუთებზე გოლი გავუშვით . საკმაოდ ხარისხიანი ტაქტიკური  სტილის პროპაგანდას ეწევა , ცდილობს გუნდში შეინარჩუნოს კონცენტრაცია და ერთიანობა . ამ ხნის პერიოდში , სწორედ ის ადამიანი გვესაჭიროებოდა ვინც ფსიქოლოგიურ მუხტს შეგვმატებდა , ეხლა კი უკვე თავად ფეხბურთელებმა უნდა ვაჩვენოთ მოედანზე რისი ძალა შეგვწევს . სწორედ “სიენას” დონის გუნდებთან უნდა ვითამაშოთ წარმატებულად , რომ შევინარჩუნოთ სატურნირო ცხრილში პირველი საფეხური ჩემპიონატის დასრულებამდე . უშუალოდ მატჩს რაც შეეხება , “სიენა” საკუთარ მოედანზე პირველივე წუთებიდან აგრესიულად დაიწყებს ასპარეზობას , პლიუს გულშემატკივრებიც მათთან ერთად იქნებიან , მაგრამ ჩვენის მხრივ , ისევე როგორც პარმასთან დაპირისპირებაში , პირველივე წუთებიდან უნდა ავიღოთ თამაშის სადავეები ხელში ” .

” გასულ ორ სეზონს უნდა გადავავლებთ თვალს , საკმაოდ ბევრი ადამიანი იფიქრებს , რომ პ”არმასთან” მიღწეული გამარჯვება , უბრალოდ დროებითი გამონათება იყო გუნდისთვის , რადგან არც შარშან დაგვიწყია ცუდად , თუმცა დასასრული კატასტროფული გამოდგა . მაგრამ ახლა კონკრეტულად ერთ ჩემპიონატზე ვფიქრობთ და მთელი კვირა გვექნება მატჩიდან მატჩამდე მოსამზამდებლად , ეს კი ფსიქოლოგიური კუთხით ძალზე ადვილია ” .

წყარო : ტურინის იუვენტუსის ოფიციალური ვებ გვერდი