ძოლა : “კონტეს რომ ტევესი ჰყავდეს…”

როგორც სჩანს, ტურინის “იუვენტუსის” კარლოს ტევესისადმი ინტერესი უფრო და უფრო რეალური ხდება.27 წლის ფეხბურთელი მანჩესტერ “სიტის” დატოვებას ზამთრის სატრანსფერო პერიოდში აპირებს და ჯუზეპე მაროტა არგენტინელის დასამატებლად ყველაფერს გააკეთებს.Daily Mirror – ის მიერ გავრცელებული ინფორმაციით, ტურინული გრანდის ხელმძღვანელობა სულ მალე ქალაქელებთან მოლაპარაკებებს დაიწყებს, რომლის თანახმადაც ბიანკონერები ტევესს არენდით აიყვანენ, გამოსყიდვის შესაძლო პერსპექტივით.

ბოლო დღეებია პრესა ტევესს “იუვენტუსს” აქტიურად უკავშირებს, ამ თემას კი იტალიური ფეხბურთის ერთ ერთი  ლეგენდა, ჯანფრანკო ძოლა გამოეხმაურა : “ტევესის ყიდვით იუვენტუსი საოცრად გაძლიერდება.მიყვარს ბებერი ქალბატონი და მსიამოვნებს, რომ ამ გუნდს ანტონიო კონტე წვრთნის.ის ძლიერი სპეციალისტია და ყურადღებას ტაქტიკურ მონახაზებზე ამახვილებს.მას რომ ტევესი ჰყავდეს…”

“დანამდვილებით შეუძლებელია ვთქვა, რომ ტევესის სიტუაციაში მხოლოდ მანჩინია დამნაშავე.კარლოსი ნამდვილი ჩემპიონია და მას თამაში უნდა – ეს ცალსახაა.არგენტინელი მებრძოლი ხასიათისაა და მისი გაფორმებით იუვენტუსი სერიოზულად იბრძოლებს სკუდეტოსთვის.ევროპაში ხმაურიანად დასაბრუნებლად კონტეს გუნდს უმაღლესი დონის მოთამაშე სჭირდება, ტევესი სწორედ ასეთია.“

წყარო : Tuttojuve ; Football Italia