” იუვენტუსი ” 2-0 ” მილანი ” ( ტაქტიკური ანალიზი )

სრულიადში შეგიძლიათ იხილოთ , ტურინის ” იუვენტუსის ” და ” მილანის ” შეხვედრის , ტაქტიკური ანალიზი …

არტურო ვიდალი კვლავინდებურად სასტარტო შემადგენლობაშია , თუმცა დაცვის ხაზში მნიშვნელოვანი ცვლილებებია . პირველ რიგში საქმე ლეონარდო ბონუჩის ეხება , რომელიც მიმდინარე სეზონში პირველად მოხვდა გუნდის ძირითად შემადგენლობაში და ანდრეა ბარძალის შეუწყვილდა ცენტრალურ ზონაში . ხოლო მარცხენა ფლანგზე ჯორჯო კიელინიმ გადაიწია , რომელიც ლუიჯი დელ ნერის პერიოდშიდაც , პერიოდულად ასპარეზობდა ამ პოზიციაზე . დაცვის საპირისპირო მხარეს , როგორც მივეჩვიეთ მიმდინარე სეზონში , შვეიცარიელი სტეფან ლიხტშტაინერი ასპარეზობდა .  ნახევარდაცვის ცენტრალურ ზონაში ანდრეა პირლო მოქმედებდა , მისგან მარჯვნივ ვიდალი , ხოლო მარცხნივ მარკიზიო . წინა ხაზში ფლანგებზე კრასიჩი და პეპე , ხოლო გამოკვეთილი ფორვარდის პოზიციაზე მირკო ვუჩინიჩი ირჯებოდა .

რაც შეეხება მილანის სქემას , ალეგრი ძველ ტაქტიკას ენდობა : 4-3-1-2 . აბიატი კარში , დაცვის ფლანგებზე ბონერა და ძამბროტა , ხოლო ცენტრში ნესტა და ტიაგო სილვა . დაცვის ხაზთან ახლოს ასპარეზობდა მარკ ვან ბომელი , მარჯნივ ანტონიო ნოჩერინო , მარცხნივ კი კლარენს ზეედორფი . ტრეკუარტისტას პოზიციაზე კევინ პირს ბოატენგი იდგა , რომელსაც დაევალა , მოემარაგებინა გადაცემებით ორი ფორვარდი : ზლატან იბრაჰიმოვიჩი და ანტონიო კასანი .

მატჩის ტაქტიკური განხილვა …

ამჯერად  ბიანკონერის სათამაშო სქემა , ძალზე ჰგავს 4-3-3 ს , რაც პრინციპში უკვე იყო ადაპტირებული კატანიასთან დაპირისპირებაში .  რაც შეეხება როსონერის სათამაშო სისტემას , მათი განლაგება არ ითხოვს სწრაფ მანევრირებებს და შესაძლოა ალეგრის ჩანაფიქრი სწორედ ეს იყო , რომ ხელი შეეშალა ბიანკონერის სათამაშო რითმისთვის . ვან ბომელის სასახელოდ უნდა ითქვას , რომ საწყის წუთებში , როსონერის შეტევების ორგანიზებას სწორედ ის იწყებდა  . ამას ემატებოდა ტიაგო სილვას ფაქტორიც , რომელსაც შეუძლია შეტევის დაწყება ზუსტი დიაგონალური გადაცემებით .  იმისათვის , რომ კონტეს ხელი შეეშალა ამისთვის , მან არტურო ვიდალი , მისთვის უჩვეულო პოზიციაზე , ცენტრში მარჯვენა მხარეს დააყენა , სადაც ჩილელი არცთუ ისე კომფორტულად გრძნობს თავს .
შემდეგ სურათზე ნათლად ჩანს , თუ რა პოზიციაზე დგას ვიდალი , როდესაც მილანი საკუთარ ნახევარზე იმყოფება , ჩილელი ასეთი მანევრით ხელს უშლის ტიაგო სილვას , რომ თავისუფლად მიიღოს ბურთი . შედეგად აბიატი იძულებულია მოიგერიოს ბურთი .

ასეთი პრესინგის გამო , მილანი ვერ ახერხებს ორგანიზებულად შეტევის დაწყებას . ხშირ შემთხვევაში , როსონერის ფეხბურთელები უბრალოდ იგეირებდნენ ბურთს , იმის იმედით , რომ რომელი ფორვარდი მოახერხებდა ბურთზე კონტროლის დამყარებას . მაგრამ თავის მხრივ , ეს მოასწავებდა იმისკენ , რომ იუვენტუსი ძალზედ სწრაფად ეუფლებოდა ბურთს .

როდესაც იუვენტუსი მარწუხებში აქცევს მილანს და აიძულებს მას დაიხიოს საკუთარ ნახევარზე , ვიდალი მაშინვე ტიაგო სილვას მიმართულებით იწყებს მოძრაობას .

მაგრამ , იმ შემთხვევაში თუ სილვას ზონაში იმყოფებოდა ვუჩინიჩი , მარკიზიო თავის მხრივ ზეწოლას ნესტაზე ახდენდა , ხოლო ვიდალი ვან ბომელის ზურგს უკან მოქმედებდა .

საკმაოდ მაღალ დონეზე შესრულებული პრესინგის შედეგად , რომელშიც უდიდესი წვლილი მიუძღვის ვიდალს და პლიუს რა თქმა უნდა ვუჩინიჩს და მარკიზიოს , მილანის ცენტრალური მცველები ვერ ახდენენ შეტევის დაწყებას და გადაცემების გაკეთებას თავისუფალ რეჟიმში .

მაშინ როდესაც ბიანკონერი დაცვიდან , თავდასხმაში გადადიოდა , ტაქტიკური სქემა , ყოველგვარი პრობლემის გარეშე ინაცვლებდა 4-2-4 ზე  და როდესაც მაქსიმალურ ეფექტს გამოიყენებდა , კვლავინდებურად ბრუნდებოდა 4-3-3 ზე . მიუხედავად იმისა , რომ ეს მოდული ითხოვს , შეტევაში შუა ხაზელების ჩართვას , ბიანკონერის არანაირი პრობლემა არ შექმნია ბურთის ართმევასთან დაკავშირებით , რითაც უმცირებდა მილანს ბურთის ფლობის პროცენტულ მაჩვენებელს . ამას დიდად შეუწყო ხელი იმ გარემოებამ , რომ დაცვის ხაზი , მნიშვნელოვნად ამცირებდა ზონას შუა ხაზთან . შემდეგ სურათზე ხედავთ , თუ როგორ ცდილობენ მილანის ცენტრალური მცველები , რომლებიც არ არიან პრესინგის ქვეშ , გადააწოდონ ბურთი კასანოს ( დააკვირდით რა მაღლა არის ასული ბარძალი ) . კიელინი ამასობაში ჭრის ბურთს და სწრაფად აკეთებს პასს ვიდალზე . ჩილელი თავის მხრივ აგრძელებს შეტევას ვუჩინიჩზე , რომელიც საკმაოდ სახიფათოდ ურტყამს მეტოქე კარის მიმართულებით .

შემდეგ ვიდეოზე ნათლად ჩანს , თუ როგორ ცდილობს ბურთის დაბრუნებას იუვენტუსი , როდესაც შეტევაში წასვლისას კარგავს . მეორე ნაწილში აღნიშნულია შემდეგი სახის ეპიზოდი . როდესაც მილანი ცდილობს სწრაფად გადავიდეს კონტრ შეტევაზე , მაგრამ ბიანკონერის მცველები საკმაოდ ეფექტურად უზღუდავენ მას სივრცეს მანევრირებისთვის .

ეფექტური და საკმაოდ სწრაფი მანევრირებების დამსახურებით , ბიანკონერი ძალზე მალე ართმევს მილანს ბურთს , ხოლო მცველები თავის მხრივ თამაშობენ უშეცდომოდ და სწორედ ამ კომპონენტების წყალობით , შესძლო იუვემ სასურველი შედეგით მატჩის წაყვანა . გუნდი მთლიანად აკონტროლებდა მატჩის რიტმს , ბურთს და ტერიტორიულად სჯაბნიდა მეტოქეს , რომელიც თავის მხრივ , სწორედ ამით იწონებს თავს და სწორედ ასეთი ფეხბურთით ასპარეზობს მეტოქის წინააღმდეგ .

იშვიათ შემთხვევებში , როდესაც მილანი ოდნავ დიდხანს იჭერდა ბურთს , ბიანკონერი 4-3-3 სათამაშო სქემაზე ეწყობოდა, ცენტრში ამ დროს ვიდალი , მარკიზიო და პირლო იმყოფებოდნენ , რომლებიც მჭიდროდ უკავშირებდნენ ერთმანეთს შუა ხაზს და დაცვის ხაზს .

კიდევ ერთი ტაქტიკური უპირატესობა , რაც იუვეს გააჩნდა მილანზე , იყო თავისუფალი სივრცეების გადაკეტვა მარკიზიოსა და ვიდალის მონაწილეობით , რომლებიც საკმაოდ ხშირად მიდიოდნენ წინ და ტოვებდნენ უკანა ხაზს , რითაც რიცხობრივ უპირატესობას ქმნიდნენ : სამი ფეხბურთელი , მილანის ორი ცენტრალური მცველის წინააღმდეგ . მოდით უფრო ღრმად განვიხილოთ ეს ტაქტიკური მანევრი : მილანი ცდილობს იუვენტუსის ცენტრალურ მცველზე ზეწოლის განხორციელებას , რომელიც საკუთარ საჯარიმოში კომბინირებს . თავის მხრივ იუვენტუსის მოთამაშეები , იჭერენ მილანის ფეხბურთელებს საკმაოდ მაღლა ამოსულებს . ბოატენგი პირლოსთან , ორი ფორვარდი , ბიანკონერის ორ ცენტრალურ მცველთან და რაც ყველაზე მთავარია , მილანის ფლანგელი ნახევარმცველების – ზეედორფის და ნოჩერინოს ამოსვლა და პრესინგის განხორციელება ლიხშტაინერზე და კიელინიზე .

მილანისტების ზურგს უკან კი ეულად რჩება ვან ბომელი , რომელსაც გვერდში მარკიზიო და ვიდალი უდგას . სამწუხაროდ როსონერის პრესინგი არ იყო მაღალი დონის , ვან ბომელსაც კი არ შეეძლო წინააღმდეგობის გაწევა ვიდალისთვის და მარკიზიოსთვის . შემდეგ ვიდეოზე ნახავთ , თუ როგორ გადადის დაცვიდან – თავდასხმაში იუვენტუსი , როგორ გრძელდება შეტევა ვიდალზე , რომელიც ძალზედ შორს იმყოფება უკვე ვან ბომელისგან .

შემდეგ ვიდეოზე სიტუაცია განსხვავებულია , ვან ბომელი ამჯერად ახლოს არის ვიდალთან , მაგრამ ჩილელს , ჰოლანდიელთან შედარებით გაცილებით უკეთესი საწყისი სიჩქარე გააჩნია , რისი წყალობითაც , თავიდან იცილებს ვან ბომელის პრესინგს .

მილანი პრინციპში საკმაოდ ხშირად ახდენდა ბიანკონერის ფლანგელ მცველებზე ზეწოლას და ძირითადათ , ამას როსონერის შუა ხაზელები ახორციელებდნენ , რითაც საკუთარ ზონას თავისუფალს ტოვებდნენ და პლიუს ამასთან დაცვით მანევრირებაშიც აღარ ღებულობდნენ მონაწილეობას .

ცალკე გამოსაყოფი თემაა ბოატენგის ფუქნცია , რომელიც იდეაში სული და გული უნდა ყოფილიყო მილანის შეტევების . მას პირლოს წინააღმდეგ უწევდა ასპარეზობა და იშვიათად თუ ცდებოდა ხოლმე , რადგან ვერ გრძნობდა მხარდაჭერას ვან ბომელისგან  . შემდეგ სურათზე ნათლად ჩანს , თუ როგორ ინაცვლებენ ცენტრისკენ ზეედორფი და ნოჩერინო , რითაც მანევრირების საშუალებას აძლევენ მარკიზიოს და ვიდალს – ვან ბომელი კი ასეთ შემთხვევაში ყოველთვის მოშორებით იყო როგორც ერთისგან ისე მეორისგან .

პირლოს  ” თავისუფლება ” კი , დამატებითი თავისტკივილია ვან ბომელისთვის . შემდეგ სურათზე აღნიშნულია , თუ როგორ ხვდება ჰოლანდიელი პირლოს , რითაც თავისუფლად ტოვებს ვიდალს და მარკიზიოს , რომლებიც უკვე არიან მზად იმისთვის ,რომ მიიღონ ბურთი და შეტევაში წავიდნენ ვუჩინიჩის დასახმარებლად .

ანალოგიური მაგალითი , დაცვიდან შეტევაში გადასვლა , რიცხობრივი უპირატესობის ფონზე . ვიდალი ვან ბომელის გვერდით იმყოფება , იღებს ბურთს და სწრაფ ტემპში ცდება მას .

მაშინაც კი , როდესაც თითქოს ერთი შეხედვით ვან ბომელი მომგებიან სიტუაციაში იმყოფება ბიანკონერის შუა ხაზელებთან , ეს უკანასკნელები ყოველთვის ცდებიან მას სისწრაფის და მაღალი ტექნიკური არსენალის დახმარებით . შემდეგ მაგალითზე , მარკიზიო იღებს ბურთს , რომელსაც ვან ბომელი უწევს მეთვალყურეობას . კლაუდიო დიბლინგის ხარჯზე ატყუებს მას და შემდეგ უკვე სისწრაფის დახმარებით , უკან იტოვებს საერთოდ , შედეგად წინა ხაზში კვლავინდებურად რიცხობრივი უპირატესობა ექმნება იუვენტუსს .

მილანის მთავარი თავის ტკივილი ,  არის ვიდალი და მარკიზიო , რომლებიც ყოველთვის ცდებიან უპრობლემოდ ვან ბომელს . მარკიზიო და ვიდალი განსხვავებული პოზიციებით იყვნენ მოედანზე : კლაუდიო უფრო მეტად დაცვის ხაზთან იმყოფებოდა , თუმცა უბურთოთ მოქმედების დროს დახმარებას უწევდა ვუჩინიჩს . რაც შეეხება ვიდალს , ის გაცილებით მეტად წინა ხაზის დახმარებით იყო დაკავებული . ჩილელის ეს მოქმედება , განსაკუთრებით მაშინ ჩანდა , როდესაც ტიაგო სილვაზე ახორციელებდა პრესინგს .

შემდეგ ვიდეოზე არის ორი მოქმედება და ყურადღებით დააკვირდით პირველს , რომელზედაც კარგად ჩანს , თუ როგორ გადაადგილდებიან მოედანზე ვიდალი და მარკიზიო , როგორ ახდენენ ისინი წინა ხაზის დახმარებას ვუჩინიჩთან ერთად , რომელიც ნესტას და ტიაგო სილვას ყურადღებას იპყრობს და ამით თავისუფალ სივრცეს უქმნის ბიანკონერის ორ ცენტრალურ ნახევარმცველს მანევრირებისთვის . ვუჩინიჩი თამაშობს მარჯვნივ , ვიდალთან ახლოს , რომელიც ჰორიზონტალურად აგრძელებს მოძრაობას და ეხმარება მარკიზიოს შეტევაში ჩასართვად . მეორე ეპიზოდი კი უკვე საგოლეა , რომელიც ვუჩინიჩის , მარკიზიოსი და ვიდალის შესანიშნავი ასპარეზობის შედეგია , რომლებიც ბრწყინვალედ კომბინირებდნენ მთელი თამაშის განმავლობაში .

ცალკე აღნიშვნის ღირსია ვუჩინიჩის ასპარეზობა , რომელმაც ბრწყინვალედ შეასრულა საკუთარი საქმე , ის შესანიშნავად მოქმედებდა შემტევ მანევრირებებში , ელეგანტურად , ჭკუით და მაღალი საშემსრულებლო ტექნიკით . ის არა მხოლოდ ართმევდა ბურთს და მასთან ერთად მიდიოდა წინ რამდენიმე მეტრით , მირკო საკმაოდ ეფექტურად უმკლავდებოდა როსონერის ორ ცენტრალურ მცველს , იპყრობდა რა მათ ყურადღებას , რითაც პარტნიორებს ზონებს უთავისუფლებდა . შემდეგ ვიდეოზე იხილეთ მირკოს საუკეთესო მომენტები ამ შეხვედრაში .

შედეგი :

გენიალური იუვენტუსი იყო . ციფრებს შეხედეთ ელემენტარულად : 17 კარში დარტყმა ! მილანის მხრიდან კი მხოლოდ 2 ! 57 % ბურთის ფლობა , ხოლო მეორე ნახევარში ეს ციფრი 67 % იყო ! ერთი სიტყვით კონტეს მიერ არჩეულმა ტაქტიკურმა განლაგებამ გაამართლა , როგორც ბურთით ყოფნის პერიოდში და ასევე უბურთოთ მანევრირებაში . გუნდმა მოახერხა მეტოქის მთავარი იარაღის გათიშვა : საკუთარი რითმის , მეტოქისთვის  თავზე მოხვევა . კრასიჩი ! პირველად იხილეს ტურინში ისეთი მილოში , რომელიც ეფექტურად გადაადგილდებოდა მოედანზე უბურთოთ და კარგად მანევრირებდა მოედანზე მთლიან გუნდთან ერთად .  პერიოდულად კრასიჩი ლიხტშტაინერთან ცვლიდა პოზიციას , რომელიც ვიდალის დასახმარებლად ადიოდა წინ . ჯერ ჯერობით ყველაფერი კარგად მიმდინარეობს , გუნდს ჯერ კიდევ არ უჩვენებია ბოლომდე საკუთარი პოტენციალი . პროგრესირება შესაძლებელია და ეს მაშინ , როდესაც კონტეს არ გამოუყენებია იუვენტუსის რესურსის გარკვეული ნაწილი .

წყარო : uccellinodidelpiero.com