მიჰაილოვიჩი : “იუვენტუსი კარგად დაკომპლექტებული გუნდია”

ტურინში გამგზავრებამდე რამოდენიმე საათით ადრე ჟურნალისტებთან შეხვედრა ანტონიო კონტეს მსგავსად ფლორენციის “ფიორენტინის” მთავარმა მწვრთნელმა, სინიშა მიჰაილოვიჩმა მოაწყო.

იები ბიანკონერებთან დაპირისპირებისთვის განსაკუთრებულად ემზადებიან.ფეხბურთელებმა და მწვრთნელმა კარგად იციან, რას ნიშნავს დაპირისპირება ამ ორ გუნდს შორის : “ბიჭები მოტივირებულნი არიან და დარწმუნებული ვარ, შესანიშნავ მატჩს ჩავატარებთ.ძალიან მომწონს აზრი იმის შესახებ, რომ ფიორენტინა გახდება პირველი გუნდი, რომელიც იუვენტუსის ახალ სტადიონზე პირველ გამარჯვებას მოიპოვებს.40 000 ტურინელი ფანატის წინაშე მატჩი არც ისე ადვილია, თუმცა გახსნილ თამაშს ველი.”

“ფიორენტინა” ტურინში სკუადრა აძურას წევრების გარეშე ითამაშებს, მარჯვენა მცველი, მატია კასანი ტრავმირებულია, ნახევარდაცვის ბურჯი რიკარდო მონტოლივო კი დისკვალიფიცირებული : “ვინც ითამაშებს, ის ბოლომდე დაიხარჯება.ჯილარდინო მზადაა მოედანზე 90 წუთი დაჰყოს, ხვალ გადავწყვეტ, ითამაშებს თუ არა ალბერტო ძირითად შემადგენლობაში.იმაზე ნაკლები ქულა გვაქვს, ვიდრე ვიმსახურებდით, მაგრამ ოპტიმისტურად ვარ განწყობილი.იუვე – აგრესიული გუნდია, რომლის თითოეული ფეხბურთელი მთელი ძალით თამაშშია ჩართული.მათი ძლიერი მხარე მოედნის ცენტრია, ანტონიო კონტეს შესანიშნავად დაკომპლექტებული გუნდი ჰყავს.”

აქვე გთავაზობთ იმ ფეხბურთელების სიას, რომლებიც სინიშა მიჰაილოვიჩმა “იუვენტუსთან” მატჩზე გამოიძახა : ბეჰრამი, ბორუცი, ჩერჩი, დე სილვესტრი, გამბერინი, ჯილარდინო, იოვეტიჩი, ხარჯა, ლიაიჩი, ლაცარი, მუნარი, ნასტასიჩი, ნატალი, ნეტო, პასკუალი, პაცალი, რომიცი, რომულო, სილვა, ვარგასი

წყარო : Juventus.com ; Juventus.com