მთავარი მწვრთნელების წინასამატჩო პრესკონფერენცია •

სრულიადში შეგიძლიათ წაიკითხოთ , ანტონიო კონტესი და კლაუდიო რანიერის წისანასამატჩო პრესკონფერენცია , რომელიც ” იუვენტუსი ” – ” ინტერის ” დაპირისპირებას მიეძღვნა …

ანტონიო კონტე : ” ” ინტერი ” , რომ იტალიური და ევროპული ფეხბურთის გრანდია , ამაში ორი აზრი არაა და მე დღემდე ვთვლი , მათ სკუდეტოს ერთ ერთ უმთავრეს ფავორიტად . თუმცა , რაიმე ანალიზის გაკეთება ჯერ ნაადრევა , მანამ სანამ ჩემპიონატში ზამთრის შესვენება დაიწყდებოდეს . პენალტები ” ინტერის ” კარში ? სიმართლე გითხრათ , ნაკლებად მადარდებს მეტოქეების პრობლემები , კონცენტრირებას მხოლოდ საკუთარ გუნდზე ვახდენ . უმრავლესობისთვის ეს შეხვედრა არის შოუ , მაგრამ საბოლოო ჯამში მნიშვნელოვანია ქულები , რომელიც მატჩის დასრულების დროს ფიქსირდება . სულ რამდენიმე დღე მქონდა ამ დაპირისპირებისთვის , რომ მომზადებულიყავით , მაგრამ ყველაფერი რიგზეა . ფიზიკურად გუნდი მზად არის 90 წუთიანი ბრძოლისთვის ” .

” იცით , არ განვიცდი იმდენად , საკუთარი ფეხბურთელების მიერ გაფუჭებულ მომენტებს , ვიდრე იმ ფაქტს , რომ კონკრეტული ფეხბურთელი ვერ ახდენს თამაშზე კონცენტრირებას . ჯერ ჯერობით ვუჩინიჩი კარგია , მაგრამ იმედი მაქვს დროთა განმავლობაშის კიდევ უფრო პროდუქტიული გახდება ” .

კლაუდიო რანიერი : ” ამ შეხვედრის შემდეგ , კიდევ გვექნება საშუალება , რომ ჯამში 84 ქულა დავაგროვოთ და ჩემპიონობა ვიზეიმოთ . მაგალითად ” მილანი ” , შარშან 82 ქულით გახდა სკუდეტოს მფლობელი . ამიტომ ეს დაპირისპირება არ არის ჩვენთვის გადამწყვეტი . ჩვენ კიდევ მოვახერხებთ სატურნირო ცხრილის სათავეში მოქცევას და ჩემპიონობისთვის ბრძოლას ” .

” დიახ , გარკვეული პერიოდის მანძილზე ვწრთნიდი ” იუვენტუსს ” , მაგრამ მიუხედავად ამისა ეს იქნება უბრალოდ ერთი რიგითი მატჩი ჩემთვის , რომელშიც აუცილებელი იქნება მეტოქის დამარცხება . ბუნებრივია ბიანკონერი გამორჩეული მეტოქეა და მათ დასამარცხებლად , დიდი ძალისხმევა დაგვჭირდება . როდესაც მათი მწვრთნელი ვიყავი , ” ინტერთან ” დაპირისპირება იყო ყველაზე გამორჩეული მატჩი მთელი სეზონის განმავლობაში ” .

” კონტე ? გუნდი არაჩვეულებრივად ჰყავს მოტივირებული და პლიუს ამასთან ტექნიკურად გამართული . ბოლო პერიოდში მან შეცვალა სათამაშო სისტემა 4-4-1-1 და გადავიდა 4-4-2 ზე . შედეგად გუნდი კიდევ უფრო სწრაფი , ტექნიკური და ეფექტური გახადა . მათ უკვე დიდი ხანია არაფერი მოუგიათ და სწორედ ამიტომაც გამოხატავენ უდიდესი სურვილს , სწორედ წელს მიაღწიონ წარმატებას ” .

რაც შეეხება შემადგენლობას , ტიაგო მოტა მხოლოდ და მხოლოდ ” ლილთან ” მატჩში დაგვიბრუნდება . სნეიდერი კი არაჩვეულებრივ ფორმაში იმყოფება , რასაც ვერ ვიტყვით დიეგო მილიტოზე , თუმცა მას დამოუკიდებლად შეუძლია ყველანაირი პრობლემის გადაჭრა უმოკლეს პერიოდში ” .