ლიპი: ” იმედია “იუვეს” აღარასდროს დავჭირდები “

მარჩელო ლიპის ისევ სამწვრთნელო პოსტზე დაბრუნება სურს. “იუვენტუსისა” და იტალიის ნაკრების ყოფილი დამრიგებელი უკვე დიდი ხანია სამუშაოს გარეშეა დარჩენილი და უახლოეს მომავალში ამის შეცვლას გეგმავს: ” ერთწლიანი შესვენება ავიღე, ეს მენტალური დასვენებაა. ახლა ახალი პროექტის დაწყება მსურს და ეს კლუბთან არ იქნება დაკავშირებული. მინდა ეროვნული ნაკრები ჩავიბარო და 2014 წლის ბრაზილიის ჩემპიონატისკენ გავუძღვე. სამხრეთ აფრიკის მუნდიალი? ცხოვრებაში ხშირად დადებითი და უარყოფითი ეპიზოდები ერთმანეთს ცვლიან. საკმაოდ იღბლიანი კარიერა მქონდა და ძალიან წარმატებული მწვრთნელი ვიყავი. “წარმატებული” – ამ სიტყვაზე ყოველთვის “იუვენტუსი” მახსენდება. ეს საოცარი წლები იყო. იყო შანსი, ტურინში ისევ დავბრუნებულიყავი, მაგრამ ყველაფერი სხვაგვარად წარიმართა. ახლა “იუვეს” დიდებული მწვრთნელი ჰყავს, მე ნამდვილად არ ვარ საჭირო, მაგრამ თუ ოდესმე… მე და “იუვეს” შორის ურთიერთობა იმდენად მჭიდროა, რომ თუ ერთ დღესაც დამიძახებენ, თანახმა ვიქნები. ასეა თუ ისე, იმედი მაქვს, ეს არ მოხდება.” -აცხადებს ლიპი.

წყარო: tuttosport