ანტონიო კონტეს მატჩისშემდგომი კომენტარი

ანტონიო კონტე “ბიანკონერების” თამაშით კმაყოფილია. მთავარი მწვრთნელი წინა ტურის გადადებულ მატჩს აფასებს და, როგორც ეს მისი სიტყვებიდან ჩანს, გუშინ მოპოვებული ქულა ძვირადაც უღირს…

” შეიძლება ტექნიკურად ძლიერები ვიყოთ, მაგრამ მორალური ძალის გარეშე, რომელიც გუშინ ვაჩვენეთ, ამ თამაშის შემობრუნება და გამარჯვების შანსის გაჩენა შეუძლებელი იქნებოდა. თავიდან გაგვიჭირდა, რადგან არამობილიზებულები ვიყავით. იგრძნობოდა, თითქოს გვინდოდა, რომ მეტოქეებს ემოქმედათ. “ნაპოლიმ” დიდი ძალით შეგვიტია და ჩვენ მიერ დაშვებული შეცდომების დახმარებით, ორჯერაც გაიტანა. ვფიქრობ, ორი ბურთის გაშვება “სან პაოლოზე” ფსიქოლოგიურად ნებისმიერ გუნდს გატეხავდა. ამის მაგიერ, ჩვენ ხელახლა მივაგენით საკუთარ ძალებს და დიდი შემართების მეშვეობით სირთულეების გადალახვა შევძელით. მინდა ჩემს ბიჭებს მადლობა გადავუხადო, ძალიან ვამაყობ, რომ მათი მწვრთნელი ვარ. ”

მარკიზიოს არყოფნის გამო, ანტონიო კონტეს ექსპერიმენტული შემადგენლობის გამოყვანამ მოუწია. მატჩი ძირითად შემადგენლობაში დაიწყო მარსელო ესტიგარიბიამ: ” “სარკისებური” ტაქტიკა გამოვიყენეთ, რადგან მაჯიო თავის სამ თანაგუნდელთან ერთად წინ სერიოზულ პრობლემებს ქმნის და ახლა მათ პეპესა და ესტიგარიბიასთან უწევდათ კონკურირება. ამ უკანასკნელმა ბრწყინვალე ფეხბურთი აჩვენა. პეპე განსხვავებულ პოზიციაზე გამოვცადე და როცა მან იქ საკუთარი თავი იპოვა, უბრალოდ გამანადგურებელი გახდა. ვუჩინიჩი წინ დავტოვეთ, რომ არონიკათი დაკავებულიყო, მატრი კი კანავროს მხარეს იდგა. პირველ ნახევარში წინ გადასვლას ვერ ვახერხებდით, როცა ისინი მთელი ძალებით გვიტევდნენ. მეორე ტაიმში ყველაფერი შეიცვალა და სამჯერ ავიღეთ მეტოქის კარი.”

“უნდა დავიმახსოვროთ, რომ როცა გოლს გიტანენ, ესე იგი პრობლემა ან დაგვიანებულ მოძრაობაში ან მეტოქის არასწორ აყვანაშია. ფეხბურთი “ფლეისთეიშენის” თამაში არაა და მთელი კვირის განმავლობაში ნამუშევარსა და მის მოედანზე განხორციელებას შორის დიდი განსხვავებაა. მაგალითისთვის ბონუჩის ეპიზოდი ავიღოთ, ბურთის ჩაჭრას აპირებდა, მაგრამ მას ვერ მისწვდა. თუმცა შეცდომები ვინმეს გასაკიცხად არ უნდა გამოიყენო, ესაა მაგალითი, რომელიც მომავალ პროგრესში გეხმარება. ამას გარდა, როცა დიდი მონდომება იგრძნობა, შეცდომების პატიება ყოველთვის შეიძლება. ”

წყარო: “იუვენტუსის” ოფიციალური ვებ-გვერდი