“იუვენტუსი” 2 – 1 “ბოლონია” ( ფეხბურთელების შეფასებები )

გთავაზობთ გუშინდელ მატჩში მონაწილე ფეხბურთელების შეფასებებს…

სტორარი 6.5 – მატჩის პირველ ნახევარში ერთადერთი პრობლემა ვანტაჯატომ შეუმქნა, მეორე ტაიმში იგერიებს ორ სახიფათო დარტყმას.

სორენსენი 5.5 – 7 თვიანი პაუზის შემდეგ მოედანზე პირველად გამოდის და ეს მის თამაშზე აშკარად აისახება.ერთ მომენტში შორი მანძილიდან კარის მიმართულებიც დაარტყა, თუმცა არაზუსტად.

ბარძალი 6 – ერთადერთი ფეხბურთელი ბიანკონერების რიგებში, რომელმაც უკლებლივ ყველა მატჩი შეუცვლელად ჩაატარა.როგორც ყოველთვის, ანდრეა საიმედოა.

ბონუჩი 6 – თამაშობს მშვიდად და უშეცდომოდ.მე – 19 წუთზე ხიმენესთან უხეშობის გამო იღებს მიმდინარე კოპა იტალიაზე პირველ გაფრთხილებას.

დე ჩელიე 5.5 – ძირითად შემადგენლობაში ადგილის დამკვიდრების შანსს ხელიდან აშკარად უშვებს.პაოლოს თამაშს სიზუსტე აკლია.

მარონე 6.5 – ლუკამ მისი თამაშით ყველა გააკვირვა.თამაშობს მშვიდად, აკონტროლებს მოედნის ცენტრს და უტევს მეტოქის კარს.

მარკიზიო ( 89 – ე წუთიდან ) 7 – მორიგი შედევრი დამატებით დროში.

პაციენცა 5.5 – უზუსტობა მიკელეს მიერ გაკეთებულ გადაცემებში შეიმჩნეოდა.აშკარად უფრო ცუდად ითამაშა, ვიდრე “ჩეზენას” წინააღმდეგ.

ჯაკერინი 7 – გააქვს განსაკუთრებით ლამაზი და სადებიუტო გოლი ბებერი ქალბატონის შემადგენლობაში, მეორე ბურთი არ ჩაუთვალეს.

კრასიჩი 5 – მეორე ტაიმის დასაწყისში ხელიდან უშვებს გოლის გატანის ასპროცენტიან შესაძლებლობას.

ელია ( 65 – ე წუთიდან ) 6 – აკეთებს საგოლე გადაცემას კლაუდიო მარკიზიოზე.

კვალიარელა 5.5 – ვერ გამოიყენა ორი საგოლე მომენტი – “ბოლონიას” მეკარემ მას პირადი დუელი აშკარად მოუგო.

ესტიგარიბია ( 68 –  ე წუთიდან ) 5.5 – გაშვებულ გოლში სწორედ მარსელოა დამნაშავე.

დელ პიერო 6.5 – ახალ სტადიონზე გოლის გატანის უდიდესი სურვილი აქვს.უზუსტობის, თამაშგარისა და ალიარდის შესანიშნავი თამაშის გამო ალემ მიმდინარე სეზონში ანგარიში ვერ გახსნა.

კონტე – 6.5