მაროტა სატრანსფერო გეგმებზე საუბრობს
“იუვენტუსის” გენერალურმა დირექტორმა, ბეპე მაროტამ, Sky Sport -თან საუბარში განაცხადა, რომ გუნდი დიდი ინვესტიციების განხორციელებას იანვარში არ აპირებს. მოგეხსენებათ, რომ “ბიანკონერის” ბედი რამდენიმე ძვირადღირებულ ფებურთელს დაუკავშირეს, მაგრამ მაროტა ამბობს:“კლუბმა მნიშვნელოვანი სვლები ამ ზაფხულს გააკეთა, იანვარში დიდი ინვესტიციების განხორციელება არ იგეგმება. თუმცა, თუ გამოჩნდება ისეთი შესაძლებლოა, როგორიც შარშან ანდრეა ბარძალის შემთხვევაში იყო, ტრანსფერზე აუცილებლად დავფიქრდებით. რაც შეეხება ამაურის, მას წინა კვირას ვესაუბრეთ. თავდამსხმელს სურს, ახალი გუნდი რაც შეიძლება მალე იპოვნოს. კრასიჩი? – ამ ეტაპზე ის ვერ ახერხებს თავისი შესაძლებლობების სრულად დემონსტრირებას, მაგრამ მილოში შესანიშნავი ფეხურთელია, რაც მან უკვე დაამტკიცა.” – აცხადებს მაროტა.
წყარო: Football-Italia