დაუმარცხებელი ფენომენი – ანუ კონტეს “იუვენტუსი” 2011 წელს

მეშვიდე პოზიციაზე დასრულებული ორი სეზონის შემდეგ ვინ წარმოიდგენდა, რომ 2011 წლის მეორე ნახევარში ტურინის “იუვენტუსი” საოცარ პროგრესს განიცდიდა და ითამაშებდა ფეხბურთს, რომლითაც მოხიბლული იქნებოდა მთელი მსოფლიო.ამ მომენტისთვის, ანტონიო კონტეს გუნდი მეორე ადგილზე იმყოფება, თუმცა ეს ის მეორე ადგილია, რომლიდანაც პირველ პოზიციამდე ერთი ნაბიჯია, თუ უფრო მცირე არა, ბიანკონერებსა და როსონერის ხომ 34-34 ქულა აქვთ და ცხრილს დამსახურებულად ლიდერობენ, თუმცა, “იუვენტუსი” ამ შემთხვევაში სხვა ფენომენია..

ანდრეა ანიელის, ჯუზეპე მაროტას, ანტონიო კონტეს, ფაბიო პარატიჩისა და კიდევ სხვების მუხლჩაუხრელ შრომაზე საუბარი არ ღირს, უმჯობესია პირდაპირ კონტეს “იუვენტუსის” დახასიათებაზე გადავიდეთ, რომელიც მიმდინარე სეზონში მართლაც საუცხოოდ გამოიყურება, ბებერი ქალბატონი ევროპის მასშტაბით ერთადერთი ( ! ) გუნდია, რომელიც არცერთ ტურნირზე არ დამარცხებულა ( + იტალიის თასი ).პირიქით, სერია A – ში ჩატარებული 16 შეხვედრიდან ტურინელებმა 9 მოიგეს, 7 კი ფრედ დაასრულეს.

აპენინის ნახევარკუნძულის მასშტაბით “იუვენტუსი” გატანილი და გაშვებული გოლების მხრივ მეორე ადგილზე იმყოფება.კონტეს “უდინეზეს” უკანახაზის შემდეგ საუკეთესო დაცვა ჰყავს, ამას ის ფაქტი ადასტურებს, რომ ჯიჯი ბუფონის კარში მხოლოდ 11 გოლია გასული, საპასუხოდ კი, ტურინელებმა 27 ბურთის გატანა შესძლეს.

ტურინის “იუვენტუსის” კარის მიმართულებით 3 პენალტია დანიშნული, თუმცა აღსანიშნავია, რომ ამ სამიდან ზუსტი მხოლოდ 1 აღმოჩნდა, ისიც პირველ შეხვედრაში, პარმას წინააღმდეგ ( 4-1 ), მარეკ ჰამშიკისა და ფრანჩესკო ტოტის შესრულებულმა თერთმეტმეტრიანებმა ბებერი ქალბატონის კარის ბადეს ვერ უწიეს, სლოვაკმა საერთოდ ააცილა კარს, იტალიელმა ლეგენდამ კი დუელი მსოფლიოს ნომერ პირველ კიპერთან, ჯანლუიჯი ბუფონთან წააგო.რაც შეეხება საპასუხო პენალტებს, ერთადერთი და რეალიზებული თერთმეტმეტრიანი არტურო ვიდალმა “ჩეზენას” წინააღმდეგ შეასრულა, თუმცა, რამდენად გაუჭირდა ჩილელს სტუმართა კიპერზე არა, უფრო ცენტრალურ მცველზე გოლის გატანა, მეორე საკითხია.

27 ( +2 იტალიის თასზე ) გატანილი გოლი ბიანკონერებმა ასე გადაინაწილეს.გუნდის საუკეთესო ბომბარდირი კლაუდიო მარკიზიოა 7 გატანილი გოლით, ალესანდრო მატრის ანგარიშზე 6 გოლია, სიმონე პეპემ თავი ხუთჯერ გამოიჩინა, არტურო ვიდალმა და მირკო ვუჩინიჩმა კი ორჯერ.მიმდინარე სეზონში თითო გოლი შემდეგი ფეხბურთელების ანგარიშზეა : კრასიჩი, ესტიგარიბია, ჯაკერინი, ბონუჩი, ლიხტშტაინერი და კიელინი.

17 დაპირისპირებიდან ( +1 იტალიის თასი ) ყველაზე ხშირად მოედანზე ანდრეა ბარძალი გამოჩნდა ( 17 ), 16 შეხვედრაში მონაწილეობა მიიღეს შემდეგმა ფეხბურთელებმა : კლაუდიო მარკიზიომ, სიმონე პეპემ, ჯორჯო კიელინიმ, შტეფან ლიხტშტაინერმა.15 მატჩი ჩაატარეს : ალესანდრო მატრიმ და ანდრეა პირლომ, 14 – არტურო ვიდალმა და ჯიჯი ბუფონმა, 13 – ალესანდრო დელ პიერომ და ლეონარდო ბონუჩიმ, 12 – ვუჩინიჩმა, 10 – ესტიგარიბიამ და ჯაკერინიმ.9 – პაციენცამ და კვალიარელამ, 7 – მილოშ კრასიჩმა, 6 – პაოლო დე ჩელიემ, 3 – მარკო სტორარიმ, 2 – ფაბიო გროსომ, 1 – ფრედერიკ სორენსემა და ლუკა მარონემ.

ყველაზე უხეშ ფეხბურთელებად ბიანკონერების რიგებში ლეონარდო ბონუჩი და არტურო ვიდალი ითვლებიან, ისინი ხუთჯერ არიან გაფრთხილებულნი.4 ყვითელი ბარათი აქვთ – კლაუდიო მარკიზიოს და ანდრეა პირლოს, 3 – სიმონე პეპეს და ჯორჯო კიელინის, 2 – ემანუელე ჯაკერინის და შტეფან ლიხტშტაინერს, 1 – მირკო ვუჩინიჩს, ალესანდრო მატრის, მიკელე პაციენცას, პაოლო დე ჩელიეს და ფაბიო კვალიარელას.

წითელი ბარათები ტურინელთა როგებში პაოლო დე ჩელიესა და მირკო ვუჩინიჩს მიუღიათ, შესაბამისად “პარმასთან” და “ბოლონიასთან” შეხვედრებში.

საშინაო შეხვედრებში “იუვენტუსი” მეტად წარმატებულად ასპარეზობს, ვიდრე გასვლით დაპირისპირებებში.Juventus Stadium – ზე ჩატარებული რვა მატჩიდან ტურინელებმა 6 მოიგეს და 2 ფრედ დაასრულეს, სტუმრად კი 3 იმარჯვეს და 5 ქულას დასჯერდნენ.სახლში კონტეს შეგირდებმა 20 ქულა მოიპოვეს, სტუმრად 14.

ყველაზე უხვგოლიანი მოგებული მატჩი : “იუვენტუსი” 4 – 1 “პარმა”

ყველაზე უხვგოლიანი ფრედ დასრულებული მატჩი : “ნაპოლი” 3 – 3 “იუვენტუსი”

ყველაზე “მშრალი” მატჩი : “კიევო” 0 – 0 “იუვენტუსი”, “უდინეზე” 0 – 0 “იუვენტუსი”