სატრანსფერო ჭორები ( ბორიელო, ამაური )

მარკო ბორიელოს ტურინის “იუვენტუსში” ტრანსფერი, მარტინ კასერესის მსგავსად სატრანსფერო ფანჯრის ოფიციალურად გახსნის შემდეგ განხორციელდება.Sky Sport – ის მიერ გავრცელებული ინფორმაციით, ჯანმრთელობასთან დაკავშირებული მცირე პრობლემების გამო ჯუზეპე მაროტამ “რომას” ფორვარდის დამატება მცირე ხნით დააყოვნა და იმ ფეხბურთელების გასხვისებაზე დაიწყო ფიქრი, რომლებიც ანტონიო კონტეს სამომავლო გეგმებში არ შედიან.უპირველეს ყოვლისა საუბარია კარვალიო ამაურიზე, რომლითაც “ჯენოას” შემდეგ უკვე “ფიორენტინაც” ინტერესდება.ფლორენციელებმა ერთ-ერთი ლიდერი, ალბერტო ჯილარდინო გენუურ კლუბში გაასხვისეს და ახლა ამ დანაკლისის შევსებას ამაურის ან მაქსი ლოპესის დამატებით აპირებენ.არგენტინელი ფორვარდი ბრაზილო – იტალიელზე უკეთეს სათამაშო ფორმაში იმყოფება, თუმცა საქმე იმაშია, რომ მისი ფასი დაახლოებით 10 მილიონი ევროა, “იებს” კი წინახაზელის სანაცვლოს გაცილებით ნაკლების გადახდა სურთ.”იუვენტუსსა” და “ფიორენტინას” შორის მოლაპარაკებები ამაურის თაობაზე უახლოეს საათებში დაიწყება, თუმცა რა შედეგით დასრულდება იგი, ჯერჯერობით უცნობია.ნებისმიერ შემთხვევაში, 3 იანვრის შემდეგ მარკო ბორიელო უპრობლემოდ ჩაერიცხება ბიანკონერების რიგებში.

წყარო : Tuttojuve