მელო: ” “იუვენტუსში” დაბრუნება არ მსურს “

“იუვენტუსის” საკუთრებაში მყოფი “გალათასარაის” რიგებში მოთამაშე ბრაზილიელი საყრდენი ნახევარმცველი, ფელიპე მელო, ტურინულ გრანდში დაბრუნებას გამორიცხავს და თურქეთში დარჩენის უდიდეს სურვილსაც გამოთქვამს. შეგახსენებთ, რომ ფეხბურთელი სტამბულში არენდის წესით ასპარეზობს და მისი უფლებათა პაკეტის გამოსასყიდი თანხა 13 მილიონ ევროს შეადგენს:“მაყურებელი მომავალში “იუვენტუსის” მაისურით ვეღარ მნახავს, რადგან ეს თითქმის შეუძლებელია, უკან დაბრუნება არ მსურს. ყოველთვის ჩემი შესაძლებლობების მაქსიმუმს ვიღებდი გუნდისთვის, მაგრამ ფანები მაინც მაკრიტიკებდნენ, ასე ცხოვრება ძალიან ძნელი იყო. “გალათასარაიში” დარჩენა მინდა. მიყვარს ეს გუნდი და მისი ფანები. სტამბული  თანამედროვე და ლამაზი ქალაქია. აქ ბედნიერი ვარ.” – განაცხადა მელომ.

წყარო: Football-Italia