ბარძალი : “ბედნიერი ვარ, რომ “იუვენტუსი” ავირჩიე”

13 years ago გიო დარჯანია

2012 წლის პირველი საშინაო მატჩი ახლოვდება.კვირას Juventus Stadium – ზე ბიანკონერები “კალიარის” უმასპინძლებენ.Sky Sport – თან საუბარში იტალიის ჩემპიონატის ერთ-ერთი საუკეთესო მცველი, ანდრეა ბარძალი მოახლოვებულ შეხვედრაზე საუბრობს : “საკუთარ მოედანზე ვთამაშობთ და ვალდებულნი ვართ, კარგი თამაში ვაჩვენოთ.მაღალი ტემპი ურიგო არ იქნებოდა.ჩვენს წინააღმდეგ ითამაშებს მაღალი დონის გუნდი, რომელიც მოტივირებულია და გამარჯვებისთვის იბრძვის.იბარბო ? – იგი სარდინიული კლუბის შემადგენლობაში გამორჩეული ფიგურაა, თუმცა “კალიარის” მხოლოდ იბარბო არ წარმოადგენს.დუელი “მილანსა” და “იუვეს” შორის ? – ამ თემაზე საუბარი ნაადრევად მიმაჩნია.სკუდეტოსთვის “ინტერი”, “უდინეზე” და “ლაციოც” იბრძვიან.მატჩიდან მატჩამდე ჩვენს მიზნებს ვაფასებთ.მუხლჩაუხრელად ვშრომობთ და კარგად გვესმის, რომ დიდი გზა გვაქვს გასავლელი.ჩემი არჩევანი ? – დროის დაბრუნება რომ შემეძლოს, იგივე გადაწყვეტილებას მივიღებდი, ამ გუნდში თამაში ნებისმიერი ფეხბურთელის ოცნებაა.ნებისმიერ მატჩსა და ვარჯიშზე მაქსიმალურად ვიხარჯები, რადგან მიღებული შანსი გამოვიყენო.”