კონტე : “საკუთარ შეცდომებზე ვსწავლობ”

ტურინის “იუვენტუსის” მთავარი მწვრთნელი, ანტონიო კონტე მიმდინარე სეზონში უმაღლესი ადგილებისთვის ბრძოლას აპირებს.ამის შესახებ იტალიელმა სპეციალისტმა “ატალანტასთან” მატჩამდე გამართულ პრესკომფერენციაზე ისაუბრა : “იტალიის ჩემპიონატში განაღდებული მესამე ადგილი რომ შემომთავაზონ, არ დავთანხმდები.აქ იმისთვის ვარ, რომ გუნდთან ერთად უმაღლესი მიზნებისთვის ვიბრძოლო.სეზონის დააწყისში საკუთარი თავისთვის მინიმალური მიზნები არ დამისახავს, მხოლოდ მაქსიმუმი მსურს.”

“ახლა “იუვენტუსი” ცხრილის სათავეში იმყოფება, ამის ძირითადი მიზეზი კი მუხლჩაუხრელად შრომა, ენთუზიაზმი და გამარჯვებისკენ სწრაფვაა.ჩემ მიერ შერჩეულ თითოეულ ფეხბურთელს ვენდობი, წინ ნახევარი სეზონია და ამ დროის მანძილზე ყველას უნდა დავუმტკიცოთ, რისი მიღწევა შეგვიძლია.ეს ადვილი სულაც არ იქნება.”

“ატალანტა ? – სერია A – ს პირველ წრეში მათ 26 ქულას მოუყარეს თავი, მშვენიერი შედეგია.გარდა ამისა, მათ ძალიან მაღალი დონის მწვრთნელი ჰყავთ – სტეფანო კოლანტუოლო.მიუხედავათ სირთულეებისა, ბერგამოელები ნებისმიერ მატჩში ბოლომდე იბრძვიან და ხასიათით თამაშობენ.ვფიქრობ, ისინი ნამდვილად იმსახურებენ აპლოდისმენტებს.ამ კლუბში მუშაობის გამოცდილებამ ძალიან ბევრი მასწავლა, ჩემს შეცდომებზე ვსწავლობ.ბორიელო ? – ის მთელი კვირის მანძილზე გუნდთან ერთად, სრული დატვირთვით ვარჯიშობდა.მარკომ დაგვანახა, რომ მასზე ნდობა შეიძლება, ეს ძალიან მახარებს.იგი ოპტიმალურ ფორმაში უნდა ჩადგეს, ამისთვის მუშაობაა საჭირო.გუნდის მიერ განხორციელებული თუ განსახორციელებელი ტრანსფერები ? – თითოეულ ნაბიჯს ისე ვდგამთ, რომ ყველა კმაყოფილი დარჩეს.ნორმალურია, ფეხბურთელი, რომელიც არსებული სიტუაციით უკმაყოფილოა, მის უკმაყოფილებას კლუბის ხელმძღვანელობის წინაშე წარმოთქვამს.კლუბს წარვუდგინე იმ ფეხბურთელების სია, რომლებიც ამ სეზონში მჭირდება, შესაძლოა, ჩემი ყველა მოთხოვნა არც კი დაკმაყოფილდეს.” – ციტირებს ანტონიო კონტეს სიტყვებს Football Italia.

წყარო : Football Italia