ფეხბურთელების შეფასებები

გთავაზობთ , ტურინის ” იუვენტუსის ” ფეხბურთელების შეფასებებს , ” ატალანტასთან ” გამართული მატჩის შემდეგ …

ბუფონი – 6 – იღბლიანი . დენისის მიერ შესრულებული ყველაზე სახიფათო დარტყმა , რამდენიმე სანტიმეტრით სცდება მის კარს . დანარჩენ ეპიზოდებში საიმედოა და ბრწყინვალედ ხელმძღვანელობდა დაცვის რგოლს .

ლიხტშტაინერი – 7 – პირველ ნახევარში , ბევრს მოძრაობდა საკუთარ ფლანგზე , თუმცა დიდი შედეგი ამას არ მოჰყოლია . მეორე ტაიმში კი მის მორიგ წასვლას შეტევაში , გატანილი გოლი მოჰყვა .

ბარძალი – 7 – მთელს დაცვას აკონტროლებდა და პირველ ტაიმში იყო ეპიზოდი როდესაც გოლის გატანა შეეძლო , მაგრამ მისი დარტმული ძელს მოხვდა .

კიელინი – 7.5 – ბრონირებული მატარებელი ! მეტოქის ფეხბურთელებთან შეჯახებისას , ის ნამდვილად არ განიცდიდა ტკივილს . დროულად ფარავს , სამიოდე მეტ ნაკლებად სახიფათო მომენტს საკუთარ კართან .

დე ჩელიე – 6.5 – უკვე დიდი ხანია რაც დე ჩელიეს ორი სრული მატჩი ზედიზედ არ ჩაუტარებია იუვეს მაისურით . საკუთარ მოვალეობას კარგად გაართვა თავი და სკელოტო შეაჩერა .

ვიდალი – 6 – პირველ ნახევარში შეეძლო ანგარიშის გახსნა , როდესაც მისი შორეული დატრყმული ზედა ძელს მოხვდა .

პირლო – 7 – რეჟისორი . პირველ ტაიმში , ნაკლებად სახიფათოა , ხოლო მეორეში უკვე მთლიანად იცვლება და სიტუაციაზე კონტროლს საკუთარ ხელში იღებს .

მარკიზიო – 5 – საერთოდ არ ჰგავდა საკუთარ თავს . კარგი ართმევა საწყის წუთებში , რამდენიმე დროული გადაცემა და შემდგომ უკვე სრული სიბნელე . იღებს ტრვმას და ტოვებს მოედანს .

ჯიაკერინი ( 46 წუთიდან ) – 7 – დამატებითი იმპულსი შესძინა გუნდს და გაიტანა საჭირო გოლი .

პეპე – 5.5 – ვერ გამოიყენა არაჩვეულებრივი შანსი და საკმაოდ კომფორტული პოზიციიდან კარს ააცილა ბურთი . მოედანი ტრავმის შემდეგ დატოვა .

მარონე ( 68 წუთიდან ) – 6.5 – არაჩვეულებრივი ასისტი მისი შესრულებით , რამაც ლუკას გაუზარდა შანსი , უფრო მეტი დრო გაატაროს მოედანზე .

მატრი – 5 – კარგი იქნება , თუ ბურთის გაჩერებისთვის ბუცებზე წებოს წაისვამს . კვლავინდებურად ვერ იყენებს საკუთარ მომენტებს .

ვუჩინიჩი – 5.5 – ექვსი დღის უკან გაიტანა საკუთარი მესამე ბურთი . იგივეს არ ელოდნენ ამ მატჩში , თუმცა ტრადიციული გარღვევებიც ვერ ვიხილეთ მისი შესრულებით .

ბონუჩი  (86 წუთიდან ) – შეფასების გარეშე .

კონტე – 7.

წყარო : La Stampa