ანტონიო კონტეს წინასამატჩო პრესკონფერენცია

ანტონიო კონტე “იუვენტუსის” მომავალ მოწინააღმდეგეზე საუბრობს, “ბიანკონერები” ხვალ სეზონის პირველ მეტოქეს, “პარმას” ესტუმრებიან. მთავარი მწვრთნელო “ენიო ტარდინიზე” რთულ გამოცდას ელოდება…

” გახსნითი მატჩი, ჩემი აზრით, შესანიშნავი გამოდგა, ჩემპიონატი ბრწყინვალე სტარტით დავიწყეთ. მას შემდეგ, ცხადია, ბევრი რამ შეიცვალა, გუნდმა განვითარება განაგრძო და პროგრესი ყველა ასპექტს შეეხო, იქნება ეს ორგანიზებულობა, ტაქტიკა, ფიზიკური თუ ფსიქოლოგიური მომზადება. ”

““უდინეზესა” და “მილანის” დაპირისპირებამ დაამტკიცა ის, რასაც აქამდე ვამბობდი. ის, რომ “მილანი” 13-14 ფეხბურთელიანი დანაკლისით ასეთ ურთულეს არენაზე იგებს – სტადიონზე, სადაც მხოლოდ ჩვენ შევძელით ქულის აღება, სხვებმა კი უგოლოდ დატოვეს ფრიული- “მილანის” შესაძლებლობებს ამტკიცებს. მომხდარს სულაც არ გავუკვირვებივარ. ”

“ასეა თუ ისე, ის, რაც წელს “იუვეში” ხდება, სასიამოვნოა. უკვე დიდი ხანი გავიდა მას შემდეგ, რაც “იუვე” ჩემპიონატში მთავარ როლს თამაშობდა. რაღაც დიდებული ხდება, რაღაც, რამაც სიამაყითა და კმაყოფილებით უნდა აგვავსოს. ძალიან მალე შევძელით კონკურენტუნაირანობისა და ჩვენი ადგილის დაბრუნება. ახლა ჩვენზე არსებული ზეწოლა დადებითი ასპექტია. ”

“ რაც შეეხება ვიდალსა და მარკზიოს, მათ ფიზიკურ კონდიციებზე აბსოლუტურად არ ვღელავ. ორივენი ჩემს დავალებებს კარგად ართმევენ თავს და, დარწმუნებული ვარ, ხვალაც სწორედ ასე იქნება. ” -აცხადებს კონტე.

წყარო: “იუვენტუსის” ოფიციალური ვებ-გვერდი