მაროტა: ” ამ ფრემ არ უნდა დაგვაბრმავოს “

შეუძლებელია, გუშინდელ ფრეს დადებითი შეფასება მისცე, თუმცა ბეპე მაროტა გულშემატკივარს დღეს არსებული სიტუაციის ჯეროვნად შეფასებას სთხოვს….

” ძალიან არ მინდა ამ შედეგის გამო ის პოზიტიური სვლა ვერ დავინახოთ, რისი დამსახურებითაც მეორე ადგილზე ვართ, თამაში გვაქვს მარაგში და პირველ პოზიციამდე სამი ქულა გვაშორებს. ამ საღამომ აჩვენა, რომ არ გვაქვს იმის ფუფუნება, კონკრეტული ფეხბურთელების ინდივიდუალურ ოსტატობას ვენდოთ, ჩვენი ფილოსოფიაც განსხვავებულია – გუნდური თამაში. რაც შეეხება თავდამსხმელებს, მათ ცოტა გააქვთ, მაგრამ არ დაგავიწყდეთ, რომ მათ მიერ შესრულებული დაცვითი სამუშაოს დამსახურებაა, რომ ჩემპიონატში რიგით მეორე საუკეთესო დაცვის ხაზი გვყავს. თუ მიღებულ და გატანილ გოლთა სხვაობას ვნახავთ, ჩატარებული შრომის ფასი ნათელი გახდება.”

” ვიცით, რომ განვითარება და პროგრესირება უნდა გავაგრძელოთ. ეს გზა შარშან დავიწყეთ, როცა პრაქტიკულად ყველაფერი შეიცვალა, იგივე გაგრძელდა წელსაც არაერთი ახალი ფეხბურთელის მოყვანით, ასევე ახალი მწვრთნელის მოსვლით, რომელმაც ახალი იდეები და რაც მთავარია, ახალი მენტალიტეტი მოიტანა. თუმცა “მილანის” უპირატესობა არა უფრო ტექნიკური ფეხბურთელები, არამედ მათი ხასიათია. ჩვენც გვყავს იმ დონის ფეხბურთელები, რომლებსაც ალბათ მაინც შეუძლიათ მნიშვნელოვან შედეგებს მიაღწიონ. ეს ნებისიერი განვითარების ფუნდამენტური ასპექტია. ”

წყარო: “იუვენტუსის” ოფიციალური ვებ-გვერდი