პირლოს მატჩისშემდგომი კომენტარი

ბრწყინვალე გამარჯვება ფლორენციაში. “იუვენტუსმა” მეტოქეს გამანადგურებელი ანგარიშით სძლია და მნიშვნელოვანი ფსიქოლოგიური მუხტი მიიღო თასის განმეორებითი დაპირისპირების წინ. შეხვედრის ერთ-ერთი გმირი ანდრეა პირლო თავის გოლსა და გამარჯვებას ფაბრის მუამბას უძღვნის: ” თავიდანვე კარგად დავიწყეთ, მეტოქეთა ფეხბურთთელისთვის ნაჩვენებმა წითელმა ბარატმა კი დამატებითი უპირატესობა მოგვცა. “სკუდეტო”? ფავორიტი “მილანია”, დრო გვაჩვენებს, რა იქნება მომავალში. გამარჯვებას ფაბრის მუამბას ვუძღვნი, ის ჩვენი კოლეგაა და ახლა ყველანი მისთვის ვლოცულობთ.” -შეგახსენებთ, მუამბას “ტოტენჰემთან” დღევანდელი დაპირისპირების დროს გულის შეტევა დაემართა და სიკვდილს ამ წუთებშიც ებრძვის. ჯერჯერობით, მისი მდგომარეობა უცნობია. 

წყარო: football italia