ბუფონი: ” მოტივაცია არ გამქრალა “

ჯიჯი ბუფონს თავისი გუნდი არც ამჯერად დაუღალატებია და გულშემატკივარს თავი თავისი უშეცდომო თამაშით დაამახსოვრა. “ინტერთან” მატჩის დასრულების შემდეგ, იტალიის ნაკრების კარის დარაჯი კმაყოფილი ჩანდა:” ეს შეხვედრა ტრადიციულად უმნიშვნელოვანესია. უდიდესი სურვილი გვქონდა, რომ ამ ტურის შემდეგ “მილანს” მიზანი მიღწეული არ ჰგონებოდა. “როსონერისთან” მატჩის შემდეგ დაძაბულობა გამომყვა და გრძნობა, რომელიც ყველა გზას გიჭრის, გარდა გამარჯვებისა. მოტივაცია არ გამქრალა, გვინდა ჩემპიონატი წარმატებულად დავასრულოთ. “ინტერმა” 60 წუთი კარგად ჩაატარა, რანიერიმ მათი სწორად განწყობა მოახერხა. პირადად მე, მუშაობას განვაგრძობ და ამის სამაგიეროსაც ვიღებ, ეს რუტინული პროცესია. დელ პიერო? ის ყველაფერს იმსახურებს, უდიდესი პროფესიონალიზმი აჩვენა, ულაპარაკოდ დასთანხმდა მინიჭებულ როლს და ძალიან გვეხმარება. ალესანდრო პატივისცემას იმსახურებს. ” -აცხადებს ბუფონი.

წყარო: “იუვენტუსის” ოფიციალური ვებ-გვერდი