ანტონიო კონტეს წინასამატჩო პრესკონფერენცია

რამდენიმე პრინციპული მეტოქის მიჯრით დამარცხებისა და “მილანთან” ქულათა სხვაობის შემცირების შემდეგ, “იუვენტუსი” ოცნებას განაგრძობს. ტურინელთა მეტოქე ამჯერად “პალერმოა”. სამი ქულა დიდი მიზნისკენ გადადგმული კიდევ ერთი ნაბიჯი იქნება, თუმცა ანტონიო კონტეს წინამასატჩო კონფერენციაში სიტყვა “სკუდეტო” არასოდეს ფიგურირებს…

” ხვალინდელ მატჩი კიდევ ერთი უმნიშვნელოვანესი დაპირისპირებაა. “ჩემპიონთა ლიგა” ახლოსაა, მაგრამ ჯერ არც ეს მიზანია მიღწეული. ოცნების გაგრძელების ერთადერთი გზა არსებობს: სიცილიაში წასვლა, მაქსიმუმის გაღება და კიდევ ერთხელ გამარჯვება. ამასთან ვიცით, სამი ქულის აღებას ჩვენი მეტოქეებიც ეცდებიან. რაც შეეხება შემადგენლობას, გადაჭრით მხოლოდ ერთი რამის თქმა შემიძლია: კუალიარელა ძირითადში დაიწყებს, ფაბიო კარგ ფორმაშია. ”

” მინდა მხოლოდ ჩვენს თამაშებზე ვიყოთ გადართულები. მინდა ხაზი გავუსვა, რომ ჩემპიონატს ძალიან ძლიერი გუნდი ლიდერობს, ჩვენზე ორი ქულით მეტი აქვს და უკეთესი კალენდარიც ზურგს უმაგრებს. ჩვენიმხრივ, გამარჯვებები უნდა გავაგრძელოთ, რათა მათი შესაძლო ფეხის დაცდენა გამოვიყენოთ. თუ ასე იქნება, სეზონის ბოლოს სანანებელი არაფერი გვექნება. დღეიდან სეზონის დასასრულამდე არავითარ შემთხვევაში არ მინდა ბიჭები მოდუნდნენ. ამას პირად საუბრებშიც გავუსვი ხაზი. ვიცით, ყველა ჩემი ფეხბურთელის ნდობა შემიძლია, მომავალი სამი კვირის განმავლობაში არაფერია გამორიცხული. ”

” მთელი ძალები უნდა დავხარჯოთ. მთელი გუნდის დამსახურებაა, რომ აქამდე მოვაღწიეთ. მთელი კოლექტივი იმსახურებს ქებას. ბედნიერი ვარ, რომ ასეთი პროფესიონალების გვერდით მიწევს მუშაობა, საზაფხულო ვარჯიშების პირველივე დღიდან ყველა ჩემს იდეას იღებენ და მომყვებიან. როცა შეერთებულ შტატებში, წარმოუდგენელ სიცხეში მათ ვარჯიშს ვუყურებდი, ვხვდებოდი, რომ მათი იმედი შეიძლებოდა მქონოდა. ”

წყარო: “იუვენტუსის” ოფიციალური ვებ-გვერდი