კუალიარელა: ” შესანიშნავი მატჩი “

ფაბიო კუალიარელამ “ნაპოლისთან” გატანილი გოლის შემდეგ “იუვენტუსის” სიცილიაზე მიღწეულ წარმატებაშიც ძალიან დიდი როლი ითამაშა. ფეხბურთელმა მეორე გოლის გატანა და შეხვედრისთვის წერტილის დასმა შეძლო. როგორც ჩანს, მან თავი საბოლოოდ დააღწია ტრავმით გამოწვეულ კოშმარულ პერიოდს და იგი უბრუნდება ჩვეულ ფორმას:“როდესაც შენი გუნდი იგებს და თან გოლიც გაგაქვს, ეს ნიშნავს, რომ შეხვედრამ ბრწყინვალედ ჩაიარა. დღეს ეს ადვილი არ იყო. ვიცოდით, რომ “პალერმო” პრობლემებს შეგვიქმნიდა, რადგან ეს გუნდი საკუთარ არენაზე საკმაოდ რთული მეტოქეა ყველა გუნდისთვის. ამ სეზონში ძირითად შემადგენლობაში მეხუთედ ვითამაშე და გოლი ძალიან სასიამოვნო სიურპრიზი აღმოჩნდა ჩემთვის, თანაც ცხრილის სათავეს დავუბრუნდით. ასე ასპარეზობა უნდა განვაგრძოთ და “მილანის” შედეგებს ყურადღება არ მივაქციოთ, ისევე როგორც დღეს. მხოლოდ “პალერმოსთან” დაპირისპირებაზე ვფიქრობდით, სხვა არაფერზე.” – განაცხადა კუალიარელამ.

წყარო: “იუვენტუსის” ოფიციალური ვებ-გვერდი