პირლო: ” ჩვენს შანსებს 50% -ად ვაფასებ “

პირლო თანაგუნდელებს ყურადღებისა და ძალების ბოლომდე დახარჯვისაკენ მოუწოდებს, ჩემპიონატი დასკვნით ფაზაში შედის. მომავალ ტურში “ბიანკონერები” “ლაციოს” დაუპირისპირდებიან. ნახევარმცველი ტელეარხ “სკაისთან” ნესთან შესაძლო ტრანსფერზეც საუბრობს…

” დიდი დრო დაგვჭირდა ცხრილის სათავეში დასაბრუნებლად, თუმცა ყოველთვის გვჯეროდა, რომ ლიდერობისა და პირველ ადგილთან დაშორების აღმოფხვრის ძალა შეგვწევდა. ნამდვილად არ ველოდით, რომ “მილანი” “ფიორენტინასთან” დათმობდა შეხვედრას, განსაკუთრებით, მას შემდეგ, რაც ანგარიში გახსნეს. ფლორენციელები ძალიან დაგვეხმარნენ, მოტივაცია შეგვმატეს “პალერმოსთან” თამაშის წინ. ”

” ახლა ვიცით, ყველაფერი ჩვენზეა დამოკიდებული. ყველა დარჩენილი მატჩის მოგება ჰორიზონტიდანაც გაგვაქრობდა. ამ წუთში, ჩვენს მიერ “სკუდეტოს” მოგების შანსებს 50% -ად ვაფასებ. ამასთან არ ვფიქრობ, რომ “მილანში” კრიზისი დაიწყო, წინა ტურში გუნდს უბრალოდ “ჩემპიონთა ლიგიდან” გამოყოლილმა დაღლამ შეუშალა ხელი. მაგრამ კიდევ ერთხელ ვიმეორებ, ახლა ყველაფერი ჩვენს ხელთაა. თითოეულ მატჩში ისე უნდა გავიდეთ მოედანზე, რომ არ გვაინტერესებდეს მეტოქის სახელი, ტურიდან ტურამდე, კვირიდან კვირამდე. ”

” რაც შეეხება ნესტას, დიახ, ტრანსფერის საკითხზე მასთან ვისაუბრე, მაგრამ ეს ჩვენი პირადი საქმეა. ის ბრწყინვალე გუნდში თამაშობს და არჩევანის სრული თავისუფლება აქვს. ვნახოთ რა იქნება სეზონის ბოლოს. ”

წყარო: “იუვენტუსის” ოფიციალური ვებ-გვერდი ; football italia