ანტონიო კონტეს წინასამატჩო პრესკონფერენცია

ანტონიო კონტემ დღეს “რომასთან” დაპირისპირების განსაკუთრებულ მნიშვნელობაზე ისაუბრა. ჩემპიონობისათვის ბრძოლა ფოლო ფაზაშია და ყველა ქულას შეიძლება გადამწყვეტი მნიშვნელობა ჰქონდეს. ამიტომაც, “ბიანკონერები” ხვალ მოედანზე მხოლოდ გამარჯვებისთვის გავლენ…

” რთული მატჩი იქნება. ვიცით, რომ ვუპირისპირდებით კარგ ფორმაში მყოფ გუნდს, რომელსაც ახლა ნებისმიერი კლუბისათვის შეუძლია პრობლემების შექმნა. ამასთან ერთად, თავადაც ვაცნობიერებთ, რა შეგვიძლია და რა ფორმაში ვართ, სწორედ ამ ცოდნით გავდივართ მოედანზე. ”

” არა მგონია, ენრიკე ოდესმე მაინც დამდგარიყო გუნდიდან გაშვების საფრთხის წინაშე, რადგან ხელმძღვანელობას მისი მხარდაჭერა არასოდეს შეუწყვეტია. ეს სწორედ მისი დამსახურებაა, გუნდს და მთლიანად გარემოცვას ახალი სული შთაბერა. მისდამი უდიდესი პატივისცემა მაქვს. ”

” მოროზინის გარდაცვალება ძალიან დიდი ტრაგედიაა, რომელმაც ყველა დაამწუხრა. ყველანი ვიმედოვნებთ, რომ ამგვარი უბედურებები აღარ დატრიალდება, განსაკუთრებით, ამ ასაკში. შეძრულები ვართ და პიერმარიოს ოჯახს ვუსამძიმრებთ. ”

” ჩემპიონატის ბოლო ფაზაში შევაბიჯეთ და ფაქტი, რომ აქამდე ვინარჩუნებთ იტალიის თასზე და “სერია ა” -ში წარმატების მიღწევის შანსს, სიამაყით გვავსებს. ბოლო წამამდე შესაძლებლობათა მაქსიმუმს გავიღებთ და იმედია, ეს საბოლოო გამარჯვებას მოგვიტანს. ”

” კუალიარელა? ბარძაყთან დაკავშირებით პრობლემები ჰქონდა, ჯერ არც კი ვიცით შეძლებს თუ არა თამაშს. არც ისაა გამორიცხული, სახლში მოუწიოს დარჩენამ. ”

წყარო: “იუვენტუსის” ოფიციალური ვებ-გვერდი