“იუვენტუსი” 4-0 “რომა” ( ფეხბურთელების შეფასებები )

გთავაზობთ გუშინდელ მატჩში მონაწილე ფეხბურთელების შეფასებებს.

ბუფონი – შეფასების გარეშე – კიდევ ერთი უქმე დღე მიმდინარე სეზონში.ჯილიაროსი ბევრს ეცადა, მაგრამ ჯიჯის კართან საფრთხე ვერაფრით შექმნა.

ბარძალი 7 – აკადემიური.წარმატებით ასპარეზობს როგორც ფიზიკურად ძლიერი ( ოსვალდო ), ისე ტექნიკური მოთამაშეების ( პიანიჩი ) წინააღმდეგ.

ბონუჩი 7 – დამცავი ნიღაბი.ლეონარდო საუცხოო ფორმას უბრუნდება და მისი თამაშით იმ კრიტიკას პასუხობს, რომელიც ამ ფეხბურთელს ნამდვილად არ აკლდა.დავალებას თავი საუცხოოდ გაართვა.

კიელინი 7 – მეორე სართულზე მისი მჯობნი მოედანზე არავინაა, მაგრამ საგოლე ეპიზოდში არ გაუმართლა.სხვა მომენტებში, როგორც წესი, დამაჯერებელი და საიმედოა.

ლიხტშტაინერი 6.5 – ბევრს მოძრაობს, მარჯვენა ფლანგს სრულად აკონტროლებს.

ვიდალი 8 – ქარიშხალი.ოთხ წუთში ჯილიაროსის დაცვა გაარღვია და ბიანკონერების რიგებში პირველი დუბლი მიითვალა.ზუსტად იქ, სადაც უნდა იყოს, დროულად და ზუსტად.მიმდინარე სეზონში მექვსე გოლი.ფაქტია, არტურო მაროტა – პარატიჩის დუეტის ერთ-ერთი საუკეთესო ტრანსფერია.

ჯიაკერინი ( 67 – ე წუთიდან ) – შეფასების გარეშე.

პირლო 7 – მაესტრო.ციტირებად შეგვიძლია ისააკ ნიუტონის სიტყვები მოვიყვანოთ : “ის წესრიგის ღმერთია და არა ქაოსის”. პენალტი არცთუ ზუსტად შეასრულა, მაგრამ ზუსტად დაამატა და მიმდინარე სეზონში მესამე გოლიც გაიტანა.სხვა შემთხვევაში, ბიანკონერების ყოველი შეტევა სწორედ მისით იწყებოდა.

მარკიზიო 7.5 – ეშმაკური.მოიპოვა პენალტი და საჯარიმოს მისადგომებიდან გაიტანა ულამაზესი გოლი.

დე ჩელიე 7 – ეროვნული ნაკრებისთვის მზადყოფნაშია.პირველი გოლის დროს აქტივში ჩაიწერა ასისტი და მონაწილეობა მიიღო მეოთხე გატანილ გოლში.შეუძლებელია, პრანდელის საბოლოო სიაში არ მოხვდეს.

კვალიარელა 6.5 – ზედიზედ მესამე მატჩია, ფაბიო ძირითად შემადგენლობაშია.დაკისრებულ მოვალეობებს თავს წარმატებით ართმევს.

დელ პიერო ( 61 -ე წუთიდან ) – შეფასების გარეშე.

ვუჩინიჩი 7.5 – ასისტენტი.9 საგოლე პასი – მათგან სამი, გუშინდელ შეხვედრაში.გუნდის საუკეთესო მეპასეს, ანდრეა პირლოს მხოლოდ 1 ასისტით ჩამორჩება.

ბორიელო ( 57 – ე წუთიდან ) – შეფასების გარეშე.

კონტე – 8

წყარო : La Stampa