“იუვენტუსს” ახსოვს ანდრეა ფორტუნატო

“იუვენტუსის” 24 წლის მცველი ანდრეა ფორტუნატო 1995 წელს ლეიკემიასთან ერთწლიანი ბრძოლის შემდეგ გარდაიცვალა. ოფიციალურმა ვებ-გვერდმა ანდრეა ჯიანლუკა ვიალის იმ სიტყვებით გაიხსენა, რომელიც ვეტერანმა მისი დაკრძალვის ცერემონიალზე წარმოთქვა: “ გვჯეროდა, რომ დაავადება ვერ შეძლებდა შენს დამარცხებას. ამ თერთმეტი თვის მანძილზე ჩვენთვის იმის მაგალითი იყავი, თუ სიმამაცითა და მშვიდი გონებით, შინაგანი ძალითა და სულისკვეთებით როგორ უნდა გაუმკლავდე ნამდვილ პრობლემებს – რომელსაც არაფერი აქვს საერთო გამარჯვებასთან ან მარცხთან. გვიყვარდი და ყოველთვის გვემახსოვრები. ” -ანტონიო კონტეს ფეხბურთელების მოტივირებისათვის დღეს კიდევ ერთი მიზეზი ექნება, დღეს “იუვენტუსი” ანდრეა ფორტუნატოს იხსენებს.

წყარო: “იუვენტუსის” ოფიციალური ვებ-გვერდი