ანტონიო კონტეს წინასამატჩო პრესკონფერენცია

ტრადიციულ წინასამატჩო პრესკონფერენციაზე , ანტონიო კონტემ კონცენტრაციისკენ მოუწოდა საკუთარ გუნდს ” ლეჩესთან ” მოახლოებულ დაპირისპირებაში : ” ორ , საოცრად მოტივირებულ გუნდს დავუპირისპირდით , რომელთაც სწყუროდათ ქულების წართმევა ჩვენთვის . ეხლა კი გზაზე ” ლეჩეა ” . ჩვენც და მათაც საკმაოდ დიდი მიზნები გაგვაჩნია ჩემპიონატის ფინიშზე . ” იუვე ” იბრძვის ჩემპიონობისთვის , ხოლო სერზე კოზმი საკუთარ ფეხბურთელებთან ერთად სერია ა-ში ადგილის შესანარჩუნებლად . მშვენიერი მატჩი იქნება ისეთ გუნდებს შორის , რომელთაც ნამდვილად არ აკლიათ მოტივაცია ” …

” აუცილებელია სიმშვიდის შენარჩუნება , რადგან ჯერ ჯერობით არაფერი მოგვიგია . რასაც მივაღწიეთ ამ ეტაპზე არის კვალიფიკაცია ჩემპიონთა ლიგის გათამაშებაში და ასევე საგზური რომში , იტალიის თასის ფინალში . არ შეიძლება ერთი წამითაც კი მოდუნება და კონცენტრაციის დაკარგვა , ხვალინდელ დაპირისპირებაში გამარჯვება აუცილებელია ” .

” იუვენტუსის ” წარმატებას მიმდინარე სეზონში , განაპირობებს კონტეს მიერ არჩეული ტაქტიკა . ის უპირატესობას ლამაზ ფეხბურთს ანიჭებს და პლიუს ამასთან ბურთის მუდმივ ფლობას , რამდენადაც ეს შესაძლებელია : ” ასეთი თამაშის სტილი იბადება მაშინ , როდესაც გუნდს გამარჯვება სწყურია . ამის გაკეთება კი ისეთ ფეხბურთელებთან ერთად როგორიც პირლოა , საკმაოდ ადვილია . ბევრს ვმუშაობდით საკუთარ სტილზე , გამიმართლა ასევე ფეხბურთელებშიც ” .

კონტეს დიდი არჩევანი აქვს წინა ხაზში : ” დელ პიერომ მოირჩინა ტრავმა , კუალიარელაც ჩვეულ ფორმას უბრუნდება . რაც შეეხება პეპეს , ის განცალკევებით ვარჯიშობდა გუშინ . სიმონეს დიდი სურვილი აქვს , რომ ხვალინდელ დაპირისპირებაში მონაწილეობა მიიღოს , მაგრამ ჩემპიონატი არ სრულდება ეხლა , წინ კიდევ ” ლეჩეს ” გარდა ორი მატჩი გველის . გავესაუბრები საკუთარ ფეხბურთელებს , ეს მნიშვნელოვანი მომენტი იქნება ” .

წყარო : ტურინის ” იუვენტუსის ” ოფიციალური ვებ გვერდი