ვერატი : ” სამუდამოდ ” იუვენტინო ” ”

” პესკარას ” ცენტრალური ნახევარმცველი და იტალიის 21 წლამდელთა ნაკრების ერთ ერთი წამყვანი ფიგურა – მარკო ვერატი კიდევ ერთხელ გამოუტყდა სიყვარულში ტურინის ” იუვენტუსს ” გუშინ , ტელეარხ Sky Sport – ზე . ნიჭიერი იტალიელი ფეხბურთელი , ადრეული წლებიდან ბიანკონერის ერთგული გულშემატკივარია …

ვფიქრობ , რომ კარგად მოგეხსენება იმის თაობაზე , თუ რამდენი კლუბია შენით დაინტერესებული . მათ შორის ” იუვენტუსიც ” არის . ეს შენთვის რაიმეს ნიშნავს ?

” სიამაყით ვივსები , როდესაც პრესის ფურცლებს ვშლი . როდესაც ისეთი გუნდი , როგორიც ” იუვენტუსია ” დადებითად შეაფასებს შენს შრომას , ეს უკვე ბევრ რამეზე მეტყველებს . კარგად მესმის , რომ წინ გრძელი და რთული გზა მელოდება , აუცილებელია იმავე ტემპით პროგრესირება . რაც შეეხება უშუალოდ ტრანსფერს , ვფიქრობ ეს ჩემზე მეტად თქვენ მოგეხსენებათ ” .

წარმოგიდგენია თუ არა ის მომენტი , როდესაც შავ თეთრ მაისურს მოირგებ ?

” ბუნებრივია . ეს იქნებოდა ენით აუღწერელი სიამოვნება , თუმცა ამ ეტაპზე კონცენტრირება ” პესკარაში ” დარჩენილ ოთხ მატჩზე მოვახდინე . ჯერ ჯერობით ამ კლუბის წევრი ვარ და ისევ ის ადამიანი , რომელიც მზად არის ყველაფერი გაიღოს საკუთარი გუნდის გამო ” .

დელ პიერო … 10 ნომრიანი მაისური … ის ისტორიას წერს …

” ადრეულ ასაკში , ოთახში მისი დიდი პოსტერი მეკიდა . უყურო მის ასპარეზობას გულშემატკივრის კუთხიდან , ჩემთვის უდიდესი სიამოვნებაა . ყოველ დღე ის პატარა ფეხბურთელებს დიდ მაგალითს აძლევს . კიდევ პირლოს თამაში მომწონს , რომელიც ტრეკუარტისტად არის დაბადებული . ამ პოზიციაზე ის მსოფლიოში ერთ ერთი საუკეთესოა ” .

ვის უგულშემატკივრებ ჩემპიონატის ფინიშზე , ” მილანს ” თუ ” იუვენტუსს ” ?

” რა თქმა უნდა ” იუვენტუსს ” . ყოველთვის ამ კლუბის გულშემატკივარი ვიქნები და შესაბამისად ბოლომდე დავუჭერთ მხარს სანუკვარი მიზნის მისაღწევად ” .

წყარო : TuttoJuve