ვუჩინიჩი : ” თავი სიზმარში მგონია ”

გადამწყვეტი გოლი ” კალიარის ” კარში , რომელმაც საბოლოო ჯამში ბიანკონერის 30 – ე სკუდეტო მოაპოვებინა , მირკო ვუჩინიჩის ანგარიშზეა , რომელსაც თავი სიზმარში ეგონა საფინალო სასტვენის შემდეგ : ” შეუძლებელია ამ ყოველივეს აღწერა . სკუდეტოს მოპოვებასთან ახლოს ჯერ კიდევ ” რომაში ” ასპარეზობის დროს ვიყავი , თუმცა ის რაც ეხლა ხდება ჩემს თავს ვერაფერს შეედრება . ძლივს ვიხსენებ იმ მომენტს როდესაც გოლი გავიტანე .  ეხლა სიზმარში მგონია თავი !  ვნერვიულობდით თუ არა , რომ შეგვეძლო დაგვეკარგა სკუდეტო ? შესაძლოა , მაგრამ კარგად დავმალეთ ეს . შესანიშნავ ფეხბურთელებთან ერთად , ჩვენ კარგი მსახიობებიც ვართ . ტურინში , პირველსავე წელიწადში მოვახერხე სკუდეტოს მოგება ! ასეთი რამ ხშირად არ ხდება . ყოველთვის ვცდილობდი მაქსიმუმი გამეღო , შესაძლოა ხშირად არცთუ ისე კარგად გამომდიოდა , თუმცა მწვრთნელი დარწმუნებული იყო ჩემს შესაძლებლობებში . როდესაც ” იუვენტუსისგან ” მივიღე წინადადება , პირველ რიგში ყურადღება მწვრთნელზე გავამახვილე ” .

წყარო : ტურინის ” იუვენტუსის ” ოფიციალური ვებ გვერდი