ტურინული სიახლეები და სატრანსფერო ჭორები

გთავაზობთ ბოლო დღეებში გავრცელებულ ყველაზე საინტერესო სიახლეებს ტურინის “იუვენტუსთან” დაკავშირებით..

• სტორარი – შენი დრო დადგა

ბიანკონერების მეორე მეკარემ, მარკო სტორარიმ სეზონის უმეტესი ნაწილი სათადარიგოთა სკამზე გაატარა, ახლა იტალიელი კიპერი მზადაა, ბოლო მატჩებში მონაწილეობა მიიღოს.ანტონიო კონტეს გადაწყვეტილებით, “ატალანტასა” და “ნაპოლის” წინააღმდეგ დაპირისპირებებში ტურინელთა კარს არა ჯანლუიჯი ბუფონი, არამედ მარკო სტორარი დაიცავს.

• მოლაპარაკებები “რომასთან” –  ბორიელოს თაობაზე

მარკო ბორიელოს ტურინის “იუვენტუსში” დარჩენის შანსები ბოლომდე ჯერ კიდევ არ დაუკარგავს.ბებერი ქალბატონის ხელმძღვანელობა მზადაა ჯილიაროსისთან მოლაპარაკებები განაახლოს, მაგრამ მარკოს სანაცვლოდ არა 8 მილიონი, არამედ 3-4 მილიონი ევრო გადაიხადოს.

• ვერატის აგენტი “იუვენტუსის” შტაბ-ბინაში

სიახლე მარკო ვერატის მომავალთან დაკავშირებით.Calciomercato – ს მიერ გავრცელებული ინფორმაციით, ახალგაზრდა ნახევარმცველის აგენტი, დონატო დი კამპლი “იუვენტუსის” შტაბ-ბინაში გუნდის ხელმძღვანელობას შეხვდა.”ვიცე – პირლოდ” წოდებული ფეხბურთელი სულ უფრო ახლოსაა ბიანკონერების რიგებში ჩარიცხვასთან.

• “ლივერპულს” კრასიჩის დამატება სურს

ბრიტანული “ლივერპული” ბიანკონერების სერბი ნახევარმცველით, მილოშ კრასიჩით ინტერესდება.Mediaset – ის მტკიცებით, ნისლიანი ალბიონის წარმომადგენლები მზად არიან, გარემარბის სანაცვლოდ 10 მილიონი ევრო გადაიხადონ.

• სუარესი – მთავარი სამიზნე, ვან პერსი – ალტერნატივა

“იუვენტუსი” ფორვარდის ძიებაშია.Corriere Dello Sport – ის მიერ გავრცელებული ინფორმაციის თანახმად, ჯუზეპე მაროტას მთავარი სამიზნე ურუგვაელი ლუის სუარესია, მის ალტერნატივად კი ჰოლანდიელი რობინ ვან პერსი სახელდება.

• ალი სისოკო : “ან “ნიუკასლი”, ან “იუვენტუსი”

L’equipe – ს მიერ გავრცელებული ინფორმაციის თანახმად, ალი სისოკო “ლიონის” დატოვებასთან ძალიან ახლოსაა.24 წლის ფრანგი ფეხბურთელის სატრანსფერო ღირებულება 7-8 მილიონი ევროა, გუნდთან კონტრაქტი კი მას 2014 წლამდე აქვს.საფეხბურთო აგენტი, მაურიციო ფერარი ამ ინფორმაციას ადასტურებს : “ლიონს” სისოკო სატრანსფერო ბაზარზე არ დაუყენებია, მაგრამ ჩემპიონთა ლიგაზე ვერ მოხვედრის შემთხვევაში გუნდიდან წასვლის შანსები საკმაოდ მაღალია.ფეხბურთელისადმი ინტერესს მრავალი გუნდი იჩენს, მათ შორის “ნიუკასლი” და “იუვენტუსი”.

• 10 მილიონი ევრო სებასტიან ჯოვინკოს სანაცვლოდ

ბიანკონერების მთავარი მწვრთნელი, ანტონიო კონტე სებასტიან ჯოვინკოს გუნდში დაბრუნების მომხრეა.Tuttosport – ის მტკიცებით, ჯუზეპე მაროტა მზადაა იტალიელის უფლებათა პაკეტის 50 % – ის სანაცვლოდ ( რომელსაც “პარმა” ფლობს ) 10 მილიონი ევრო გადაიხადოს.

• ორშაბათს მოლაპარაკებები კვადვო ასამოას თაობაზე გაიმართება

ნახევარდაცვის გაძლიერების მთავარ კანდიდატებად ტურინის “იუვენტუსისთვის” პოლ პოგბა, მარკო ვერატი და კვადვო ასამოა სახელდებიან.გავრცელებული ინფორმაციით, ორშაბათს ტურინელები ფეხბურთელის აგენტს შეხვდებიან, რომელიც ორი წელია “უდინეზეს” შემადგენლობაში შესანიშნავ სეზონებს ატარებს.

წყარო : Calcionews 24; Tuttosport