დელ პიეროს გამოსამშვიდობებელი წერილი გულშემატკივრებს

“იუვენტუსისა” და დელ პიეროს გზები გაიყო. ტურინში გატარებული 19 წლის შემდეგ ის გუნდიდან მიდის. კაპიტანი გულშემატკივრებს გამომშვიდობების წინ ღია წერილით მიმართავს…

არაფერია იმაზე დიდებული, ვიდრე:

ვიდრე რვა სკუდეტო.

ვიდრე დაბრუნება “სერია ბ” -დან.

ვიდრე იტალიის თასი (იმედი ვიქონიოთ ორი).

ვიდრე იტალიის ოთხი სუპერთასი.

ვიდრე ჩემპიონთა ლიგა.

ვიდრე ევროპის სუპერთასი.

ვიდრე საკონტინენტთაშორისო თასი.

ვიდრე “ფიორენტინას” კარში გატანილი ის გოლი.

ვიდრე ის გოლი დელ პიეროს სტილში.

ვიდრე ის გოლი ტოკიოში.

ვიდრე ჩემი ცრემლები.

ვიდრე გოლი “ბარის” კარებში.

ვიდრე ის ქუსლით გატანილი გოლი დერბიში.

ვიდრე ის გოლი, ავოკატოსთვის.

ვიდრე ის ენის გამოყოფა “ინტერთან”.

ვიდრე ის პასი დავიდს.

ვიდრე 187-ე გოლი.

ვიდრე ის გოლი გერმანიაში.

ვიდრე ბერლინი.

ვიდრე “ფროსინონეს” კარში გატანილი გოლი.

ვიდრე ბომბარდირობა “სერია ბ” -ში.

ვიდრე ბომბარდირობა “სერია ა” -ში.

ვიდრე ფეხზე მდგარი პუბლიკა და ტაში “ბერნაბეუზე”.

ვიდრე შავ-თეთრ მაისურში გატარებული 704 მატჩი.

ვიდრე 189 გოლი.

ვიდრე ის ჯარიმა, რომელიც “სკუდეტოს” ნიშნავდა.

ვიდრე გოლი “ატალანტასთან”.

ვიდრე ნებისმიერი რეკორდი.

ვიდრე 10 -ნომრიანი მაისური წარწერით “დელ პიერო”.

ვიდრე კაპიტნის სამკლაური.

არაფერი… მხოლოდ და მხოლოდ ის, რაც ამ 19 წლის განმავლობაში მაჩუქეთ.

მიხარია, რომ მიღიმოდით, მგულშემატკივრობდით, ტიროდით, მღეროდით, ყვიროდით ჩემთვის და ჩემთან ერთად.

არასდროს იქნება რომელიმე ფერი ჩემთვის ისეთივე ბრწყინვალე, როგორიც შავი და თეთრი.

თქვენ ოცნება ამიხდინეთ. ყველაფერზე მეტად ის, რაც ახლა მინდა, რომ გითხრათ, არის მადლობა.

მუდამ თქვენს გვერდით.

ალესანდრო