სატრანსფერო ჭორები და ტურინული სიახლეები

გთავაზობთ ტურინის “იუვენტუსის” სატრანსფერო გეგმების მოკლე ყოველკვირეულ მიმოხილვას..

• “ინტერს” რანოკიას “იუვენტუსში” გაშვება არ სურს

Sky Sport – ის მიერ გავრცელებული ინფორმაციით, მიუხედავათ ანტონიო კონტეს დიდი სიმპათიებისა, ბიანკონერები ანდრეა რანოკიას დამატებას ვერ მოახერხებენ.ბებერი ქალბატონის მთავარი მწვრთნელი იტალიელი უკანახაზელის დიდი ქომაგია და მისი ხილვა ტურინში ძალიან სურს, თუმცა საქმე იმაშია, რომ ნერიაძურის ხელმძღვანელობა “ბარის” ყოფილ ფეხბურთელს ლუსიოს შემცვლელად მოიაზრებს.

• პარატიჩი დედეს ელის : 10 მილიონი ბრაზილიელის სანაცვლოდ

ანდრეა რანოკიას შემცვლელი ტურინელთა სატრანსფერო სიაში მარტივად მოიძებნება.ტურინის “იუვენტუსის” სპორტული დირექტორი, ფაბიო პარატიჩი მზადაა ანდერსონ ვიტალ სილვას სანაცვლოდ 10 მილიონი ევრო გადაიხადოს.იტალიური პრესის ინფორმაციით, პარატიჩის “ვასკო და გამასთან” ძალიან კარგი ურთიერთობა აქვს და ბრაზილიური გუნდიც არ იქნება წინააღმდეგი, დედეს ტრანსფერს ხელი შეუწყოს.

• მოლაპარაკებები “ვილიარეალთან” – როსი და ვალერო

ესპანური “ვილიარეალის” სეგუნდა დივიზიონში გავარდნის შემდეგ “ყვითლების” ფეხბურთელებზე ნადირობა არაერთმა ევროპულმა გრანდმა დაიწყო, მათ შორის ტურინის “იუვენტუსიცაა”.ბიანკონერები განსაკუთრებულ ინტერესს ბორხა ვალეროსა და ჯუზეპე როსის მიმართ იჩენენ.ესპანელი ნახევარმცველის ( 27 წლის ) სატრანსფერო ღირებულება 10 მილიონი ევროა, ფორვარდის კი 7-12 მილიონი ევრო.

• ჯოვინკო, მატრი ან ბორიელო – გასაღები კავანისთვის

იტალიის თასის ფინალის დასრულების შემდეგ, ბიანკონერები არაერთი ტრანსფერისთვის აქტიურად დაიწყებენ მუშაობას.ჯუზეპე მაროტას მთავარი პრიორიტეტი ედინსონ კავანის გადმობირებაა, რომელიც ფორვარდებს შორის ანტონიო კონტეს რჩეულია.ურუგვაელი წინახაზელის სატრანსფერი ღირებულება 40 მილიონს უტოლდება, თუმცა გავრცელებული ინფორმაციის სანაცვლოდ, ტურინელები “ელ მატადორის” სანაცვლოდ სებასტიან ჯოვინკოს, ალესანდრო მატრის ან მარკო ბორიელოს უფლებათა პაკეტის დათმობას აპირებენ.გარდა ამისა, სერია A – ს უკანასკნელი ტურის დასრულების შემდეგ “ნაპოლი” ჩემპიონთა ლიგის საგზურს მიღმა დარჩა, რაც ტრანსფერს კიდევ უფრო რეალურს ხდის.

წყარო : Calcionews24; Tuttojuve