მარკიზიო : “ეს ახალი ეპოქის დასაწყისია”

“იუვენტუსი ყველაზე ძლიერი აღმოჩნდა მათ შორის, ვინც ტიტულისთვის იბრძოდა” – შესანიშნავი სეზონის შემდეგ კლაუდიო მარკიზიოს მორიგი ინტერვიუ სწორედ ამ სიტყვებით დაიწყო : “თითოეულ შეხვედრაში ბოლომდე დავიხარჯეთ და რაც მთავარია, შედეგი ვაჩვენეთ.გუნდი ცდილობდა ეთამაშა მისი თამაში, ყველგან – სახლში თუ გასვლაზე.დიდი მადლობა მთავარ მწვრთნელს, გამარჯვების მენტალიტეტი სწორედ მისი პროფესიონალიზმის ხარჯზე დავიბრუნეთ.საუკეთესი მომენტი ? – დაჯილდოვების ცერემონიალი.ფეხბურთელები მოედანზე გამოდიოდნენ, პუბლიკა კი ჩვენს სახელებს სკანდირებდა.ზეიმი ჰქონდა ყველას, ოჯახის წევრებს, გულშემატკივრებს, ფეხბურთელებსა თუ ხელმძღვანელებს.სკუდეტო ეს იყო ჯილდო იმის სანაცვლოდ, რაც მთელი წლის განმავლობაში გავიღეთ.არიან ადამიანები, რომლებსაც ხალხი უფრო ნაკლებად ხედავს, მაგრამ საერთო წარმატებაში მათ ლომის წილი მიუძღვით, თითოეული მათგანის მადლიერი ვარ.”

სულ მალე ბიანკონერების იტალიის ფინალი ელით, “ნაპოლის” წინააღმდეგ : “ძალიან რთული მატჩი გევლის, ზუსტად ისეთი, როგორიც ნეაპოლელთა წინააღმდეგ ფრედ დასრულებული შეხვედრა იყო.პირველ დაპირისპირებაში მონაწილეობა დისკვალიფიკაციის გამო ვერ მივიღე, თუმცა მატჩს ტელევიზიით ვადევნე თვალი.3-1 ვაგებდით, თუმცა “იუვემ” ყველას დაუმტკიცა, რა შეუძლია ამ გუნდს.”

“ეს ის იუვენტუსია, რომელიც დიდი ხანი ელოდა წარმატებას.ფეხბურთელებმა ორი უმძიმესი სეზონი გადაიტანეს, თუმცა ჩვენ დავძლიეთ ის წინააღმდეგობები, რომლებსაც გადავაწყდით.მომავალი წელი უნდა იყოს ახალი ეპოქის დასაწყისი, საბედნიეროდ, უმნიშვნელოვანესი ნაბიჯი სკუდეტოს მოგებით, მიმდინარე სეზონშივე გადავდგით.“

წყარო : Tuttosport