ვან პერსი , კავანი , სუარესი თუ იგუაინი ?

შესაძლოა ტურინის ” იუვენტუსმა ” სატრანსფერო ფანჯრის გახსნამდეც კი გაიფორმოს რამდენიმე ფეხბურთელი . უმთავრესი მიზანი ტურინული კლუბის ხელმძღვანელობის , კვლავინდებურად რჩება მაღალ კვალიფიციური ფორვარდის შეძენა . იმ ინფორმაციების მიხედვით , რასაც ყოველდღიურად ვხედავთ და ვკითხულობთ აპენინური პრესის ფურცლებზე , მაშინ არ იქნება ძნელი იმის გაგება , თუ ვის გარშემო ტრიალებს პარატიჩი – მაროტას დუეტი . ოთხი ფორვარდი , ოთხი შესაძლო გზა გუნდის გაძლიერებისკენ , ოთხი შესაძლო კანდიდატი , რომელმაც უნდა იტვირთოს ის რაც წელს გუნდის წინა ხაზს რეალურად გაუჭირდა . ბატონებო და ქალბატონებო თქვენს წინაშე არიან რობი ვან პერსი , გონსალო იგუაინი , ედისონ კავანი და ლუის სუარესი …

გუშინ ერთხმად რამდენიმე საკმაოდ ავტორიტეტული გამომცემლობა აჟღერებდა ინფორმაციას , რომ ფაბიო პარატიჩის ნამდვილი ” რეიდი ” ჰქონდა განხორციელებული გონსალო იგუაინის წარმომადგენლებზე  . იგი შეხვდა მის მამას და ასევე ძმას . როგორც ჩანს , პარატიჩიმ მიაღწია შეთანხმებას არგენტინელი ფეხბურთელის წარმომადგენლებთან . ანუ ის საჭირო სიტყვა რისთვისად ესპანეთის დედაქალაქში ჩავიდა ტურინული ლეგიონი მიღწეულ იქნა – ანუ ” დიახ ” . მაგრამ , პარალელურად გაჟღერდა სენსაციური ინფორმაცია , რომელიც ჯუზეპე მაროტას უკავშირდება . ბიანკონერის გენერალური დირექტორი , მაშინ როდესაც პარატიჩი იგუაინის აგენტს ესაუბრებოდა ტრანსფერზე , ჯუზეპე ლუის სუარესის საფეხბურთო აგენტს პეპე გუარდიოლას ესაუბრებოდა ( დიახ , იგი ბარსელონას უკვე ექს თავკაცის ძმა გახლავთ ) . შეიძლება ვინმეს გაუკვირდეს , თუმცა მას შემდეგ რაც გუნდმა სეზონი წაუგებლად დაასრულა და მოიპოვა ჩემპიონობა , იუვენტუსს ” არას ” უკვე ვერავინ ეუბნება . მაროტამ იუვენტუსს მეორე ” დიახ ” მოუტანა . მაგრამ ეხლა უკვე საქმე თავად ინგლისურ კლუბთან უნდა დაიჭირონ . მაროტა მზადაა 20 მილიონი გადაიხადოს , მაშინ როდესაც ბრიტანელები 30 – ს ითხოვენ . შესაძლოა შეთანხმება 25 მილიონზე მოხერხდეს .

რაც შეეხება რობი ვან პერსის , გამომდინარე იქიდან , რომ მისით დაინტერესდა მანჩესტერ სიტი , სავარაუდოდ ტურინელებისთვის იკეტება გზა , რადგან აუქციონზე კლუბი არაფრის დიდებით არ აპირებს ჩართვას .

და ბოლოს . იტალიური პრესის დღევანდელი ინფორმაციით , იტალიის 30 გზის ჩემპიონი პირველ ნაბიჯებს დგამს ურუგაველი მატადორის , ედისონ კავანის შესაძენად . გუნდი მზადაა 5 წლიანი ხელშეკრულება შესთავაზოს მას , წლიური 5 მილიონი ევროს ანაზღაურებით , რაც გაორმაგებულია იმ თანხის , რასაც ეხლა იღებს ელ მატადორი დე ლაურენტისის კლუბში .

წყარო : tuttosport ; tuttojuve