მაროტა : “დროგბას შეძენას არ ვცდილობთ”

ტურინის “იუვენტუსის” სპორტულმა დირექტორმა, ჯუზეპე მაროტამ Radio Radio – თან საუბარში იტალიურ პრესაში გავრცელებულ ინფორმაციებზე გააკეთა კომენტარი.

“კავანი ძალიან საინტერესო ფეხბურთელია, მას ნებისმიერი გუნდის გაძლიერება შეუძლია, თუმცა ურუგვაელი დე ლაურენტისის საკუთრებაა და “ნაპოლი” მის შენარჩუნებას მაქსიმალურად ეცდება.დანამდვილებით შემიძლია გითხრათ, რომ დროგბა ჩვენი სამიზნე არაა, კოტ დივუარელის შეძენას არ ვცდილობთ.ბორიელო ? – არაერთხელ მითქვამს და კიდევ გავიმეორებ, რომ ამ ფეხბურთელის ყიდვის შანსი იანვარში გვქონდა, თუმცა არენდა ვამჯობინეთ.საბოლოო გადაწყვეტილების მისაღებად დრო კიდევ გვაქვს, ვნახოთ რა გადაწყდება.“

კიდევ ერთი ფეხბურთელი, რომლის მომავალი ბურუსითაა მოცული, სებასტიან ჯიოვინკოა : “რამდენიმე წლის წინ, სათამაშო გამოცდილების მისაღებად იგი არენდით გავუშვით, ახლა კი მზადაა, გუნდს დახმარება გაუწიოს.პარმასთან მოლაპარაკებები სებასტიანის თაობაზე სულ მალე დაიწყება.”

ვერატი და დესტრო – ახალგაზრდა სამიზნეები : “ვერატი ძალიან კარგი მოთამაშეა, რომელიც რამდენიმე წელია შესანიშნავ ფეხბურთს აჩვენებს.ახალგაზრდაა, აქვს პოტენციალი უმაღლესი დონის ფეხბურთელად ჩამოყალიბდეს.მისით სერიოზულად ვართ დაინტერესებული და მოლაპარაკებებს ვაწარმოებთ, არის ვარიანტი იმისა, რომ მარკო ერთი სეზონით კვლავ “პესკარაში” დარჩეს.დესტრო ? – უდაოდ უნიჭიერესი ფიგურაა, მის დასამატებლად საჭირო ნაბიჯები უკვე გადავდგით, იმედი მაქვს, ყველაფერი გამოგვივა.”

წყარო : Football Italia