ვან პერსი – “სიტი” თუ “იუვენტუსი”

როგორც “ტუტოიუვეს” კორესპონდენტები ლონდონიდან იუწყებიან, გუშინ ვან პერსიმ “არსენალის” უკანასკნელი წინადადება უარყო. არსენ ვენგერი ბოლოჯერ შეეცადა ჰოლანდიელის დაყოლიებას წელიწადში, დაახლოებით, 8 მილიონი ევროს შეთავაზებით, მაგრამ უშედეგოდ. თუ ჭორებს დავუჯერებთ, ფორვარდს ტიტულები სწყურია და რეალურად მხოლოდ ორი კანდიდატი, “სიტი” და “იუვენტუსი” ჩანს ჰორიზონტზე. გავრცელებული ინფორმაციით ქალაქელები საკმაოდ სერიოზული თანხის, წელიწადში10.5 მილიონი გირვანქა სტერლინგის გადახდას აპირებენ ჰოლანდიელისთვის. “იუვენტუსს” მოუწევს ამ წინადადებას თავისი ნაკლები რესურსები, თუმცა უფრო საინტერესო პროექტი დაუპირისპიროს, რომლის ცენტრში სწორედ ვან პერსი იქნება. მომავალი კვირა გადამწყვეტი უნდა გახდეს. ტურინში ცნობილი “მოგზაურობის” შემდეგ, თავდამსხმელი თავის აგენტთან ერთად მანჩესტერს მიაშურებს და “სიტის” წინადადებას მოისმენს. გადაწყვეტილებაც სწორედ ამის შემდეგ იქნება მიღებული.

წყარო: tuttojuve