სატრანსფერო ციებ ცხელება

ჩემპიონატის დასრულებისთანავე , ბიანკონერის გარშემო უამრავი ფეხბურთელის გვარი ფიგურირებს . სავარაუდოდ ეს ყოველივე ზაფხულის ცხელ დღეებშიც გაგრძელდება . რამდენიმე აპენინური წყაროს მტკიცებით , თითქოს გუშინ უნდა გადაწყვეტილიყო კვადო ასამოას საკითხი . თუმცა , როგორც ჩანს შეხვედრამ რომელიც მილანში მოხდა , სასურველი შედეგი არ გამოიღო . ” უდინეზე ” მინიმუმ 18 მილიონ ევროს და პლიუს მიკელე პაციენცას ითხოვს , რაც პრინციპში ჯუზეპე მაროტასთვის პრობლემას არ წარმოადგენს . აქციონერებისგან მას მწვანე შუქი აქვს მიცემული . შესაძლოა უკვე მომდევნო შეხვედრის დროს , რაიმე კონკრეტულზე შეგვეძლოს საუბარი . ჯერ ჯერობით ასამოას საკითხი კვლავინდებურად ღიად რჩება . ისევე როგორც რობი ვან პერსის ისტორია . ჰოლანდიელმა კიდევ ერთი უარით გაისტუმრა არსენ ვენგერი და შესაძლოა საბოლოო წერტილიც დაუსვა საკუთარ კარიერას ” არსენალში ” . მისი მთავარი სურვილი არა ფინანსური მხარე , არამედ თასების მოპოვებაა . როგორც ჩანს მფრინავი ჰოლანდიელი ასეთ გუნდათ კანონირებს არ განიხილავს . იუვეს კონკურენციას მანჩესტერ სიტი უწევს . ბრიტანურლი პრესის ცნობით , გაცილებით მეტი სიახლე ამ თემასთან დაკავშირებით მომავალ კვირას გაჩნდება , როდესაც ჯუზეპე მაროტა და ფაბიო პარატიჩი ახალი წინადადებით მიმართავენ პერსის .

კარგი სიახლეებია ახალგაზრდებთან დაკავშირებით . მაგალითად პოლ პოგბას ტრანსფერი შესაძლოა უკვე პარასკევსვე დასრულდეს და ოფიციალურად გახდეს ბიანკონერის ფეხბურთელი . იგივე ბედი ელის ნიჭიერ ახალგაზრდა მეკარეს ნიკოლა ლეალის . მისი გაფორმებისთანავე , ტურინელები ან სერია ა-ს გუნდში ან სერია ბ-ს გუნდში გაანათხოვრებენ შესაბამისი გამოცდილების დასაგროვებლად .

მაროტას ინტერესის სფეროში , არა მარტო წინა ხაზის და ახალგაზრდული სექტორის გაძლიერებაა , მას ასევე დაცვის ზღუდეების გამაგრება სურს . კონტეს ძალზედ ესიმპატიურება ანდრეა რანოკია და როგორც ჩანს იუვეს გენერალური დირექტორი შესაბამის ზომებს მიიღებს მის გადმოსაბირებლად . სათადარიგო ვარიანტად ” ვილიარეალის ” მცველი კრისტიან ზაპატა განიხილება , რომელიც წარსულში საკმაოდ წარმატებულად იცავდა უდინეზეს ღირსებას .

ტიპ ფეხბურთელებზე სიახლეებს რომ დავუბრუნდეთ , რეალური არაფერია . რაც დაიწყო ორი კვირის წინ იგივე სიტუაციაა ეხლაც . კავანი კონტეს სურს , მაგრამ თავად ედისონს რა უნდა ეს ჯერ გაუგებარია . დე ლაურენტისი კიდევ ნამდვილად არ არის დაინტერესებული ალესანდრო მატრიში , რომელსაც იუვე გამალებით სთავაზობს ურუგვაელის სანაცვლოდ და პლიუს ზემოდან 30 მილიონ ევროსაც აყოლებს . სიმართლე ითქვას , ციფრებში ეს ყოველივე 50 მილიონ ევრომდე ადის , რადგან მატრის დღევანდელი საბაზრო ფასი 18 მილიონია … დამაფიქრებელი წინადადებაა ნებისმიერ ვარიანტში …

სუარესის საგაც უკვე მომაბეზრებელი ხდება . 25 მილიონი ევროა სატრანსფერო ღირებულება , თუმცა ინგლისურ კლუბში ჯერ ჯერობით სრული გაურკვევლობა სუფევს , ამიტომაც რთულია ჯერ რაიმე მოიქმედოს მაროტამ და ურუგვაელი გაიფორმოს . ერთადერთი რითიც შეიძლება მისთვის საქმის ოდნავ წინ წაგდება , არის პირადი კონტრაქტის დეტალების შეთანხმება .

წყარო : Tuttojuve, Calcionews24