კალჩიოკომისია : ბუფონი , დი მარტინო , რეჟინალდო …

გაურკვევლობა კალჩიოკომისიის საქმესთან დაკავშირებით გრძელდება . პროკურატურა აქტიურად არის ჩართული გამოძიებაში და განაგრძობს მთელი რიგი ფეხბურთელების დაკითხვას და მათი სახლების ჩხრეკას . უკვე იმასაც გაიგებდით , რომ იგივე ბედი კახა კალაძემაც გაიზიარა . ვფიქრობ , არ იქნება ურიგო თქვენთვის კალჩიოკომისიის საქმის  პროკურორის დი მარტინოს განცხადება გაგაცნოთ , რომელიც ჯანლუიჯი ბუფონს და ანტონიო კონტეს ეხება . პლიუს ამასთან იხილავთ ” სიენას ” ექს ფეხბურთელის – რეჟინალდოს ინტერვიუს , სადაც ის კონტეზე და იმ პერიოდზე საუბრობს როცა ანტონიო მისი მწვრთნელი იყო . საკმაოდ ვრცელი ინტერვიუ მისცა დღეს პრესას ჯანლუიჯი ბუფონმაც  .მაშ ასე …

” ყურადღებით ვადევნებდით თვალყურს ჩემპიონატს და გადავწყვიტეთ არ შეგვეშალა მისთვის ხელი და მშვიდ გარემოში დაესრულებინათ გათამაშება ” იუვენტუსს ” და კონკრეტულად ანტონიო კონტეს . სიმართლე გითხრათ , კითხვის ნიშნის ქვეშ იმდენი მატჩია მოქცეული , რომ სუყველას გამოსაძიებლად უბრალოდ რესურსიც კი არ გვეყოფა ” .

” მილანეტოსთან დაკავშირებით სიტუაცია გაურკვეველია . ის ერთადერთი ფეხბურთელია , რომელიც აბსოლიტურად უარყოფს ყველა ჩვენს კითხვას . სამი მოთამაშიდან ორმა , დაიწყო პასუხების გაცემა , ამიტომ მილანეტოს დაბარება პროკურატურაში ისევ მოგვიწევს ” .

” ბუფონი ? არ ვაპირებთ იმ განცხადებების რაც ჯიჯიმ გააკეთა ფრედ დასრულებული მატჩების გამო , დაკითხვაზე დავიბაროთ . თუ მას თავის მხრივ რაიმე ფაქტების შესახებ შეუძლია საუბარი , დიდი სიამოვნებით დაველაპარაკებით ” .

” კონტე ? მესმის მისი რეაქციის . თუმცა , ის ისეთ სიტუაციაში იყო რომ უბრალოდ არ შეგვეძლო სხვაგვარად მოვქცეულიყავით . არ შეიძლება რაიმე შეტყობინების გაგზავნა საქმის დაწყებასთან დაკავშირებით და მხოლოდ ამის შემდეგ შეუდგე რეალურად გამოძიებას . მას არ ესმის ამის შესახებ . ჩვენ უბრალოდ იძულებულნი ვიყავით ეს ნაბიჯი გადაგვედგა ” .

ბუფონის გვარმა სულ ცოტახნის წინ გაიჟღერა კალჩიოკომისიის საქმეში , მაგრამ საკმაოდ მალევე გახდა ცნობილი , რომ აძურის პირველი ნომრის მიმართ იტალიელ სამართალ დამცავებს არანაირი დაინტერესება არ გააჩნიათ . მიუხედავად ამისა , მასმედიის წარმომადგენლებმა მაინც გადაწყვიტეს ჯიჯისთან გასაუბრება …

მონტის სიტყვებზე რა კომენტარს გააკეთებთ ? იტალიის პრემიერ მინისტრმა კალჩოს შეჩერება პრობლემის გადაჭრის ვარიანტად განიხილა …

” ჩვენ ეხლა ისეთ პიროვნებაზე ვსაუბრობთ , რომელსაც აპენინებზე სერიოზული თანამდებობა უჭირავს და ავტორიტეტულ როლს ასრულებს ქვეყნის საქმიანობაში . ამიტომ , ვფიქრობ იფფ-ს პრეზიდენტის მიერ გაკეთებული განცხადება მისი მისამართით , იდეალურად ასახავს ყველაფერს და ჩემი მხრიდან  მეტის დამატებას არ ითხოვს ” .

ჩემპიონატი ?

” ვფიქრობ , სუფთა იყო , მაგრამ შეცდომების გამო აუცილებლად უნდა იხდიდე . მითუმეტეს თუ გავითვალისწინებთ ისეთ ღირსებებს , როგორიც ლოიალობაა , დანაშაული სამაგალითო უნდა იყოს ყველასათვის . ერთადერთი , რაც თავიდან უნდა იქნეს აცილებული არის ის რომ არ მოხდეს ამორჩევა . კანონი ყველასათვის ერთი უნდა იყოს ” .

თავად იდეა 2-3 წლით ფეხბურთის შეჩერებაზე ?

” ეს იქნება დანაშაული კალჩოში მოთამაშე 85 % ფეხბურთელებისთვის ” .

კრიშიტოს სიტუაცია ?

” ამაზე ბევრი ითქვა და კიდევ უფრო მეტი დაიწერა . ფაქტია , რომ მას პროკურატურიდან შესაბამისი საბუთები წარუდგინეს და აუხსნეს , რომ საქმის ძიების ქვეშ იმყოფება . გამომდინარე იქიდან , რომ ბონუჩის არანაირი მსგავსი სანქციები არ აკისრია , მშვიდად შეუძლია ევროპის ჩემპიონატზე ასპარეზობა . დომენიკო კი ბევრი ფაქტორიდან გამომდინარე , ამ შესაძლებლობის მიღმა დარჩა ” .

კონტე ?

” არც კი ვნერვიულობ მის საქმეზე . რაც წავიკითხე და შემდეგ უშუალოდ პირადად მისგან მოვისმინე , პრობლემა თითქმის არ არსებობს ” .

პრობლემის გადაჭრას რაში ხედავ ?

” კონტრაქტში უნდა იყოს ჩადებული პუნქტი , რომ ფეხბურთელი სასტიკად დაისჯება თუ აღმოჩენილი იქნება გარიგებულ მატჩში , ან საერთოდ აკრძალონ ფსონების გაკეთება ” .

როგორი სიტუაცია სუფევს აძურიში ?

” მშვენიერი . კასანო დღითი დღე უფრო და უფრო  კარგ ფორმაშია . ბალოტელიზეც იგივეს ვიტყვი . ნორმალური , სამხიარულო სიტუაცია და რაც მთავარია სრული სიმშვიდე , რადგან არცერთი ჩვენთაგანი იმ საშინელებაში არ არის რეალურად გარეული , რაც ეხლა ხდება კალჩიოკომიის საქმეში ” .

ეხლა კი მოვუსმინოთ რეჟინალდოს , რომელიც როგორც უკვე გითხარით ანტონიო კონტეს განკარგულებაში იყო მაშინ , როდესაც იუვეს ექს კაპიტანი , მოკრძალებული კლუბის მთავარი მწვრთნელი იყო . სწორედ რეჟინალდოსთან გვერდი გვერდ ასპარეზობდა კორობიოც , რომელიც ღიად ადანაშაულებს კონტეს გარიგებულ მატჩში ( სიენა -ნოვარა )

” როდესაც ამის შესახებ გავიგე , შოკში ჩავარდი . გამომდინარე იქიდან თუ რა გამოცდილება დავაგროვე კონტესთან მუშაობის დროს , ეს არის უდიდესი სისულელე რაც კი ოდესმე გამიგია ” .

როდისმე გქონია ისეთი გრძნობა , რომ კონტე გარიგებულ მატჩზე საუბრობდა ?

” სისულელეა ! მისგან ერთი გადაბრუნებული სიტყვაც კი არ მომისმენია ამ ფაქტთან დაკავშირებით . მან მხოლოდ იცოდა შემდეგი ფრაზების თქმა : ” ჩვენ შეგვწევს ძალა შევცვალოთ თამაში ” .

პრესსკონფერენციაზე მწვრთნელმა თქვა , რომ ” სიენასთან ” ერთად მას ფანტასტიური სეზონი ჰქონდა და ვერავინ დაანგრევს ამას …

” სიმართლეა . ვიმარჯვებდით იმიტომ რომ გვყავდა რეალურად ძლიერი გუნდი . ძალიან ბევრს ვმუშაობდით ვარჯიშებზე ” .

როგორი ურთიერთობა ჰქონდათ კორობიოს და კონტეს ?

” ჩვეულებრივი . როდესაც კორობიოს საქმე კარგად მისდიოდა , მაშინ კიდევ უფრო უკეთესი . ეხლა კი მას უკვე გაუჭირდა , გამომდინარე იქიდან , რომ ჩამოშორდა ფეხბურთს . ეხლა კი ჰყვება იმას , რასაც ფიქრობს ” .

და უშუალოდ თქვენი ურთიერთობა მასთან ?

” დელ გროსოსთან ერთად , ვიტყვი რომ საკმაოდ მეგობრულიც . ურთიერთობა რომელიც სცილდებოდა მოედანს . როდესაც მოვისმინე ეს ყოველივე , ყურებს არ დავუჯერე ” .

რა მოგონებები გაქვთ ” სიენა ” – ” ნოვარას ” მატჩზე ?

” ერთი რიგითი მატჩი იყო . სადაც ბევრს ვცდილობდი გოლის გატანას , მაგრამ სამწუხაროდ არაფერი გამომდიოდა ” .

პ.ს. დღევანდელი დღე , კალჩიოკომისიის საქმესთან დაკავშირებით დასრულებულია . უახლესი ინფორმაცია კი რა თქმა უნდა ოპერტიულად განთავსდება ჩვენს ვებ გვერდზე …