პრანდელი : ” ორ ტაქტიკურ მონახაზს გამოვცდით ”

ჩეზარე პრანდელი ოპტიმისტურად არის განწყობილი , რუსეთის ნაკრებთან გასამართი მატჩის წინ და გეგმავს ორი ტაქტიკური სქემის გამოყენება . მისი განცხადებით გუნდი იასპარეზებს 4-3-1-2 და 4-3-3 მოდულით : ” ნამდვილად არ მინერვიულია იმ ფაქტის გამო , რომ ლუქსემბურგთან დაგეგმილი ამხანაგური დაპირისპირება გადაიდო , რადგან გუნდი ინტენსიურად განაგრძობს სამწვრთნელო სესიას . თუმცა , იმ იდეების განსახორციელებლად რაც დავგეგმეთ , აუცილებელი იყო სწორედ ორი დაპირისპირება . ეხლა კი მოგვიწევს რუსებთან პირველ ტაიმში ერთი , ხოლო მეორეში მეორე სქემით ასპარეზობა . ერთ წყობაში მოედანზე ოთხი ნახევარმცველი და ორი ფორვარდი გავა , ხოლო შემდეგ ორი ფლანგელი თამდამსხმელი გამოჩნდება და ერთი ცენტრფორვარდი . ეს შესაძლოა იყოს ანტონიო დი ნატალე , ან ანტონიო კასანო ან სულაც სებასტიან ჯიოვინკო ” .

შემდეგ პრანდელიმ ფორვარდებზე ისაუბრა …

” ბალოტელის და კასანოს სათამაშო პრაქტიკა არა აქვთ ? სრულებით არ ვნერვიულობ ამაზე , რადგან მათ საკმაოდ კარგად შეუძლიათ მხარდამხარ ასპარეზობა . რატომ ბორინი და არა დესტრო ? ბორინიმ უფრო უკეთესად გაიარა ადაპტაცია ფლანგზე და დესტრო უფრო მეტად გოლეადორის თვისებით არის დაჯილდოებული და მეტი დრო საჯარიმოში უნდა დაჰყოს . აუცილებელია გავაგრძელოთ საკუთარი თამაშის დახვეწა . შევძელით და დავამყარეთ ბურთზე კონტროლი , მაგრამ მსურს მეტოქის საჯარიმოში ერთბაშად ოთხი ფეხბურთელი ტრიალებდეს ” .

საუბარი დაცვის ხაზზსაც შეეხო , სადა აძური შესაძლოა გარკვეული სახის პრობლემებს გადააწყდეს, გამომდინარე იქიდან , რომ ჯორჯო კიელინი ტრავმირებულია …

” მინდა შევაქო და მადლობა გადავუხადო მას იმისთვის , რომ კოვერჩიანოს ბაზაზე , ოთხი დღით ადრე გამოჩნდა ვიდრე ეს დაგეგმილი იყო . ამაში რა თქმა უნდა ” იუვენტუსსაც ” მიუძღვის თავისი წვლილი და დიდი მადლობა მათაც . არ მსურს გავრისკო , მაგრამ ის უკვე ეხლა არის მზად გამოვიდეს მოედანზე . ჩვენი უმთავრესი საზრუნავი ამ ეტაპზე არის , რაც შეიძლება მალე დაიბრუნონ სათამაშო კონდიციები ბალძარეტიმ და კიელინიმ . ოგბონას კი ამასობაში ასევე შეუძლია იასპარეზოს მოედნის ცენტრში ” .

დასასრულს პრანდელის სამ კაციანი დაცვის შესაძლებლობაზე ჰკითხეს …

” რა თქმა უნდა შეგვიძლია ამის გამოყენებაც , მაგრამ მხოლოდ ერთი პირობით . ჩემს განკარგულებაში სამივე იუვენტინო უნდა იმყოფებოდეს . დღევანდელ დღეს მხოლოდ და მხოლოდ ბონუჩის და ბარძალის გამოყენების შანსი მაქვს , რადგან ჯორჯო ბოლომდე მზად არ არის . თუმცა , ჩვენს ფლანგელ მცველებს შეუძლიათ ასეთ ვითარებაშიც ასპარეზობა ” .

წყარო : Football Italia