სატრანსფერო სიახლეები …

ყოველ მომდევნო დღეს , ახალი სახელები მოაქვს ” იუვენტუსისთვის ” სატრანსფერო ბაზარზე . დესტრო , ზაპატა , ვან პერსი , არმერო , ასამოა , დამიაო , იგუაინი , სუარესი , კავანი , აჩერბი … შთამბეჭდავი სიაა და თან ყველაზე საინტერესო ის არის , რომ დასასრული არ არის . აჩერბის გვარი საერთოდ დღეს გამოჩნდა პრესაში , ფეხბურთელის რომლითაც ” მილანი ” აპირებდა გაძლიერებას და ერთი შეხედვით ისე ჩანდა , რომ პრობლემა არ უნდა შექმნოდა …

დაცვის ხაზი …

პრიორიტეტული მაროტასთვის უკანა ხაზის გაძლიერება ნამდვილად არ არის ან რატომ უნდა იყოს ? გუნდმა სერია ა-ში 38 მატჩში ყველაზე ცოტა ბურთი გაუშვა და ბუნებრივია კონტე ისევ იმ ბირთვს დაეყრდნობა , რომელსაც მთელი სეზონის განმავლობაში ათამაშებდა . უბრალოდ , გამომდინარე იქიდან , რომ გუნდი მომდევნო სეზონში ერთდროულად სამ ფრონტზე იბრძოლებს , შემადგენლობის გაზრდა რიცხობრივი თვალსაზრისით მაინც აუცილებელია . პლიუს რა თქმა უნდა საერთო ხარისხმაც არ უნდა დაიწიოს და ვინც მოვა გარკვეულ სათამაშო მახასიათებლებს უნდა მმატებდეს იტალიის 30 გზის ჩემპიონს . სტატიის დასაწყისში ყურადღება გავამახვილე აჩერბიზე … კიევოს მცველი , რომელსაც საკმაოდ კარგი პრესა აქვს და კალჩოს კვალობაზე მშვენიერი მონაცემები . ” მილანი ” გამალებით ეძებს ფეხბურთელებს რომლებიც გააძლიერებენ მათ უკანა ხაზს და ერთ ერთ ასეთ პიროვნებად სწორედ აჩერბი ჰყავდათ შეგუებული . მილანური პრესა ისე წერდა, თითქოს ტრანსფერი მომთავრებული იყო , მაგრამ გუშინ გაჩნდა ინფორმაცია , რომ მოთამაშით ჯუზეპე მაროტა დაინტერესდა რომელიც შეხვდა კიდევაც მფრინავი ვირების წარმომადგენელს ჯოვანი სარტორის . ტურინელებს ძალზედ ესაიმპატიურებად ფრანჩესკო და შესაბამისად შეეცდებიან როსონერის ცხვირ წინ ააცალონ ფეხბურთელი .

დაცვის ხაზიდან , აქტიურად კიდევ ერთი ფეხბურთელის , პაბლო არმეროს გვარიც ჟღერს . იგი არ ეხება არანაირად ასამოას საქმეს , ბიანკონერი ” უდინეზესთან ” ცალკე გამართავს მოლაპარაკებებს კოლუმბიელის სანაცვლოდ . კულუარებში საუბრობენ , რომ გვიდოლინის ესტიგარიბიას თამაში მოსწონს და შესაძლოა მაროტამ სწორედ პარაგვაელი ფეხბურთელი შესთავაზოს არმეროს სანაცვლოდ …

მომავალ სეზონში , კონტე სავარაუდოდ უფრო მეტად 3-5-2 ტაქტიკურ წყობას გამოიყენებს , სადაც მას ისეთი მოთამაშეები ესაჭიროება უკანა ხაზში , რომლებიც იდეალურად მოერგებიან ამ კონკრეტულ სქემას . კიდევ ერთი მცველი რომლითაც ტურინული კლუბის ხელმძღვანელობა აქტიურად არის დაინტერესებული გახლავთ კოლუმბიის ნაკრების და ვილიარეალის 26 წლის მცველი კრისტიან ზაპატა . ესპანური კლუბი მზადაა 4.5 მილიონ ევროდ შეელიოს მოთამაშეს , რაც ბიანკონერისთვის მისაღები თანხაა .

ნახევარდაცვა …

ასამოასთან დაკავშირებით , გუშინ ორი სახის ინფორმაცია გავრცელდა . პირველი ის , რომ ორშაბათს გამართულმა შეხვედრამ ორი კლუბის წარმომადგენელს შორის , წარმატებით დასრულდა . საუბარი გარკვეული სახის დეტალებზე და ფეხბურთელის პირად კონტრაქტზე მიდიოდა . მომდევნო საუბარი კი მომავალი კვირის დასაწყისში განხორციელდება . რაც შეეხება სატრანსფერო ღირებულებას , აქ პრობლემა ოთხ მილიონ ევროშია , რომელსაც მაროტა გეგმავს პაციენცაში აანაზღაუროს . ტურინული კლუბი ასევე მაურისიო ისლათი და პაბლო არმეროთიც არის დაინტერესებული , რაზეც უკვე გამცნეთ ოდნავ ზემოთ . მეორე ნიუსის თანახმად კი , ასამოასთვის ბრძოლაში წარმატების მომტანი შესაძლოა ალბინ ეკდალი გახდეს . მაროტა გამოისყიდის კონტრაქტის ნახევარს შვედზე კალიარისგან და შემდეგ გაუშვებს უდინურ კლუბში . ერთის მხრივ ჩელინომ შესაძლოა პრობლემები წარმოშვას ამ ტრანსფერთან დაკავშირებით , თუმცა მეორეს მხრივ უკვე ” იუვენტუსი ” ამოისუნთქავს ასამოასთან დაკავშირებით .

თავდასხმა …

თავიდანვე ვთქვათ ის რომ ახალი არ არის არაფერი გარდა იმისა , რომ მატეა დესტროსთვის ბრძოლაში ჯუზეპე მაროტა და ” იუვენტუსი ” დაწინაურდა . მათ როგორც იცით კონკურენციას , ნერიაძური უწევდათ , მაგრამ როგორც ჩანს ახალგაზრდა იტალიელი ფორვარდის მომავალი კლუბი ბებერი ქალბატონი გახდება . თუმცა , წინასწარი დასკვნებისგან მაინც შევიკავებთ ჯერ ჯერობით თავს და დაველოდოთ სატრანსფერო ფანჯრის გახსნას , რომელიც იტალიაში 1 ივლისს მოხდება .

მანამ სანამ სხვა პოპულარულ გვარებზე გადავიდოდეთ , შევხედოთ რა ხდება უშუალოდ ვინოვოზე მყოფ ფორვარდების თავს . მაგალითად ალესანდრო მატრის მომავალი ბურუსით არის მოცული . იმის შანსი , რომ ის პირველი დატოვებს ტურინს , ძალზე დიდია . მიუხედავად იმისა , რომ კლუბმა გაახანგრძლივა კონტრაქტი მასთან 2017 წლამდე , სავარაუდოდ მაროტა მაქსიმალურად ეცდება , რომელიმე თავდამსხმელის ბარტერში ან სულაც სარფიანად გასხვისებაში გამოიყენოს . პირველადი მიზანი , ალესანდროს ედისონ კავანიში გაცვლა იქნება , თანხის დამატებით რა თქმა უნდა . ასევე მატრითი მილანი , ზენიტი და ფიორენტინა არიან დაინტერესებულნი . ამ ეტაპზე ფორვარდი შვებულებაშია და ისვენებს თავის მეუღლესთან ერთად . მისი სურვილი ტურინში დარჩენაა , მაგრამ სატრანსფერო ბაზარზე ყველაფერი ერთ წუთში შეიძლება , რომ შეიცვალოს .

ანდრეა ანიელიმ გუშინ ნათლად დააფიქსირა , რომ მომავალ სეზონში კლუბი შეეცდება ჩემპიონთა ლიგის თასის მოგებას . ამისთვის კი მათ ტოპ მოთამაშეები ესაჭიროებათ  და განსაკუთრებით წინა ხაზში . იტალიური პრესის ინფორმაციით , ტურინელთა მთავარი საზრუნავი გონსალო იგუაინი და რობი ვან პერსია . როგორც ჩანს ვინოვოზე სერიოზულად ფიქრობენ თავდასხმის ხაზის კარდინალურ შეცვლას და გაძლიერებას . ამიტომ , არ არის გამორიცხული გუნდმა არა ერთი , არამედ ორი მაღალი დონის შემსრულებელი დაიმატოს . ანიელიმ ამაზეც ისაუბრა და განაცხადა , რომ დადგა დრო იუვემ ვარსკვლავები დაიმატოს .

კიდევ ერთი ფორვარდი , რომელსაც აქტიურად უკავშირებენ კლუბს გახლავთ ლეანდრო დამიაო . და რა ხდება ბრაზილიელის თავს ? ჩვენი ვებ გვერდის ხშირი მომხარებელი ვინც არის , კარგად ეცოდინება , რომ ბრაზილიელი სიყვარულს ეფიცება ყოველდღე ტურინს და არ აინტერესებს არცერთი სხვა შემოთავაზება . მაგალითად ისეთი როგორიც პსჟ – მ შესთავაზა … გალათასარაიზე საუბარიც არ ღირს ალბათ . ფეხბურთელმა კატეგორიულად მოსთხოვა აგენტს , რომ მოლაპარაკებები მხოლოდ ” იუვენტუსსთან ” აწარმოოს იმ შემთხვევაში თუ ხაზზე ჯუზეპე მაროტა გამოვა . თავის მხრივ ტურინში რა თქმა უნდა მოსწონთ ეს ფორვარდი და არ არიან წინააღმდეგნი რომ დაიმატონ ბრაზილიელი , მაგრამ ” ინტერნასიონალთან ” მოლაპარაკებები რომ ადვილი საწარმოები არ იქნება ეს ფაქტია . მიუხედავად ამისა , ” იუვენტუსი ” და მიაოსთან მიმართებაში მომგებიან სიტუაციაში იმყოფება  .

ამ ეტაპზე , ეს არის ბოლო საინტერესო სატრანსფერო სიახლეები … თუ რაიმე შეიცვალა , ჩვენ მაქსიმალურად მოკლე დროში მოგაწვდით ყველა საინტერესო სიახლეს .

წყარო : Tuttosport, Tuttojuve, Calcionews24