მაროტა ასამოასთან ერთად ისლას გაიფორმებს ?

იტალიური პრესის ინფორმაციით , ჯუზეპე მაროტა ” უდინეზედან ” მხოლოდ ასამოას დამატებას არ განიხილავს . თურმე , აქტიურად მიმდინარეობს მოლაპარაკებები მაურისიო ისლას თაობაზე და როგორც იტალიელი ჟურნალისტები ამბობენ , არ არის გამორიცხული ორივე ტრანსფერი საკმაოდ მოკლე პერიოდში დაიხუროს . ასამოასთან დაკავშირებით ცნობილია ის , რომ კლუბები უმოკლეს პერიოდში შეხვდებიან ისევ ერთმანეთს . გუშინ კი , ” განის ” ნაკრებში ასპარეზობისას , გასახდელში ყოფნის დროს სტეფან აპიამ შემდეგი რჩევა მისცა ასამოას : ” რაც შეიძლება სწრაფად გადადი ” იუვენტუსში ” . გაითვალისწინებს თუ არა კვადო პარტნიორის და ყოფილი იუვენტინოს რჩევას არ ვიცით , თუმცა მისი მოსვლა , რომ გუნდს წაადგება კონკურენციის გაზრდის კუთხით ეს ფაქტია . აი ისლას სახელი კი სულ ცოტახნის წინ ამოტივტივდა . უდაოდ ტექნიკური ნახევარმცველია და კიდევ უფრო მეტ ფანტაზიას შესძენდა ტურინულ კლუბს . მაროტას ორივე ფეხბურთელის გაფორმება გაუჭირდება , მაგრამ ისევ და ისევ დავეყრდნოთ აპენინელ ჟურნალისტებს და ვთქვათ , რომ ” იუვენტუსს ” კარგი პოზიცია უჭირავს და მზადაა თანხასთან ერთად რამდენიმე ფეხბურთელიც შესთავაზოს . ეს რაც შეეხებოდა ნახევარდაცვას … გადავხედოთ წინა ხაზში რა შეიძლება მოხდეს …

უახლოეს პერიოდში , ჯუზეპე მაროტამ შესაძლოა ოფიციალური წინადადებით მიმართოს მანჩესტერ სიტის ედინ ჯეკოს თაობაზე . სატრანსფერო თანხად 22-23 მილიონი ევრო განიხილება , რამაც შესაძლოა არაბი შეიხები დაიყოლიოს . არსებული სიტუაციიდან გამომდინარე , ჯეკოს კანდიდატურა ყველაზე ადვილად მიღწევადი ჩანს , რადგან ვან პერსიზე როგორც ჩანს სიტი უკან არ დაიხევს და რამდენსაც არსენალი მოითხოვს დააკმაყოფილებს მათ სურვილს . იგუაინს მოურინიო არ უშვებს , ხოლო სუარესმა თავად განაცხადა , რომ ბედნიერია ” ლივერპულში ” . რაც არ უნდა იყოს თქვენ თვითონაც კარგად ხედავთ თუ როგორი სიტუაცია სუფევს სატრანსფერო ბაზარზე . ჩვენის მხრივ , რაც ყველაზე საინტერესო იქნება იმ ინფორმაციას უმალ მოგაწვდით .

პ.ს. Tuttosport – ის ინფორმაციით , ნიკოლა ლეალის ტრანსფერს ” იუვენტუსსში ” მხოლოდ ოფიციალური წარდგენაღა აკლია . 1993 წელს დაბადებული მეკარე , ოთხშაბათს ტურინში იქნა შემჩნეული . ლეალი ჯანლუიჯი ბუფონის მემკვიდრედ სახელდება , თუმცა მანამ სანამ ჯიჯი თავის პოზიციაზე უკონუკრენციოა , ახალგაზრდა მეკარე სათამაშო პრაქტიკის და გამოცდილების მისაღებად არენდის წესით სხვა კლუბში გააგრძელებს კარიერას . ერთ ერთ ბოლო ინტერვიუში ლეალიმ ნათლად მიანიშნა ყველას , რომ იმსახურებს ” იუვეს ” მაისურის ტარებას .

წყარო : Tuttosport, Tuttojuve