სატრანსფერო ციებ ცხელება

ჩემპიონატის დასრულებისთანავე , ბიანკონერის გარშემო უამრავი ფეხბურთელის გვარი ფიგურირებს . სავარაუდოდ ეს ყოველივე ზაფხულის ცხელ დღეებშიც გაგრძელდება .

ლივერპულის გეგმა – კრასიჩი და ელია

ჰოლანდიელი კიუიტის გაყიდვის შემდეგ “ლივერპული” შემცვლელს ეძებს. პრესის ცნობით “ლივერპული” დაუკავშირდება “იუვენტუსს” კრასიჩის და ელიას ტრანსფერთან დაკავშირებითდა შესაძლოა ორივემ ინგლისში ამოჰყოს თავი მითუმეტეს, რომ არცერთი ფეხბურთელი არ შედის ანტონიო კონტეს გეგმებში.

ციგლერის ტრანსფერი

ერთწლიან არენდას რამდენიმე კვირაში ვადა გაუვა და შვეიცარიელი ტურინში დაბრუნდება, მაგრამ თურქეთში კარგი თამაშით ციგლერმა “ფენერბაჰჩეს” ხელმძღვანელებს დაუმტკიცა რომ გუნდისთვის მნიშვნელობანი ფიგურაა. თურქული პრესის ცნობით უახლოეს დღეებში ამ ორი კლუბის ხელმძღვანელები ერთმანეთს შეხვდებიან და მოლაპარაკებებს გამართავენ.

მაროტა კოლაროვის არენდით აყვანას გეგმავს

ალექსანდერ კოლაროვს “მანჩესტერ სიტის” დატოვება აქვს განზრახული, მაროტა კი მისით სერიოზულადაა დაინტერესებული. იდეა კი შემდეგია “იუვენტუსს” სურს აღადგინოს ლიხშტაინერის და კოლაროვის წყვილი, რომლებიც “ლაციოში” ბრწყინვალედ ასპარეზობდნენ. სერბის ტრანსფერი 12 მილიონ ევრის შეადგენს, “ბიანკონერის” კი ფეხბურთელის არენდის წესით აყვანა სურს. კოლაროვი შესანიშნავად ერგება კონტეს სათამაშო სქემაში 3-5-2.

კიდევ ერთი მცველი – ზაპატა

ესპანური “ვილიარეალის” სეგუნდა დივიზიონში გავარდნამ ამ კლუბის “დაშლა” გამოიწვია, ყველა წამყვან ფეხბურთელს გუნდიდან წასვლა სურს რაშიც “ყვითლები” ხელს ვერცერთ ფეხბურთელს ვერ შეუშლიან. გუნდის ერთ-ერთი კრისტიან ზაპატა გუნდის შეცვლას გეგმავს, მისით “იუვენტუსი”, “მილანი” და “ნაპოლი” დაინტერესდნენ. რესიც ცნობით კოლუმბიელი მცველის შეძენის ყველაზე კარგი შანსი “ბებერ ქალბატონს” აქვს, რომელმაც უკვე მიმართა 7 მილიონიანი წინადადებით “ვილიარეალს”.

“იუვენტუსი” შოკისმომგვრელ წინადადებას ამზადებს “ნაპოლისთვის”

“იუვენტუსს” განზრახული აქვს “ნაპოლის” 40 მილიონი ევრო გადაუხადოს კავანის სანაცვლოდ. მაგრამ არა ნაღდი ფულით. “იუვენტუსის” წინადადება შემდეგში მდგომარეობს: “ბებერი ქალბატონი” გეგმავს ფელიპე მელოს (რომლის ღირებულება 10-12 მილიონ ევროს შეადგენს), ალესანდრო მატრის (15-18 მილიონი ევრო) და პლუს ამას დაამატოს 12-15 მილიონი ევრო ედისონ კავანის სანაცვლოდ. საერთო ჯამში კავანის ტრანსფერი 42-45 მილიონი ევრო დაჯდება. დე ლაურენტისს სურდა მიეღო 40 მილიონი. – ის მას მიიღებს.

“უდინეზემ” არმეროს შემცვლელი იპოვა

პაბლო არმერო ახლოსაა ტურინში გადასვლასთან. La Gazzetta dello Sport-ის ცნობით “უდინეზემ’ უკვე იპოვა მისი შემცვლელი “ნოვარას” შემადგენლობიდან გაბრიელე სილვას სახით.

წყარო:tuttojuve.com, calcionews24.com