მარინო : ” ბრავისიმო ჯუზეპე ! ”

მარუსიო ისლას და კვადო ასამოას ტრანსფერები ტურინის ” იუვენტუსში ” როგორც ჩანს დასასრულს უახლოვდება . სხვადასხვა იტალიური წყაროები ამ ინფორმაციას აქტიურად ადასტურებენ . ჟურნალისტები ჩილელი ფეხბურთელის აგენტს დაუკავშირდნენ , რომელმაც მართალია თავი შეიკავე მისი კლიენტის მომავალი კლუბის დასახელებისგან , მაგრამ ერთი კი აღნიშნა , რომ მაურისიო ემშვიდობება უდინეს და ისეთ კლუბში გააგრძელებს ასპარეზობას , რომელიც ჩემპიონთა ლიგისთვის და სერია ა-სთვის იბრძოლებს . ბიანკონერიზე კი ის დაამატა , რომ ტურინელები აქტიურად არიან დაინტერესებულნი ისლას გაფორმებით .
ამასობაში ბერგამოს ” ატალანტას ” სპორტული დირექტორი პიერპაოლო მარინო , ულოცავს ტურინელ კოლეგას ჯუზეპე მაროტას განხორციელებულ ( არ მტკიცდება ჯერ ჯერობით ოფიციალურად ) ტრანსფერებს . საქმე რა თქმა უნდა ” უდინეზეს ” დუეტს ეხება . მისი სიტყვებით , მაროტამ ფაქტიურად შეუძლებელი შესძლო და რაც მთავარია დაამყარა თბილი ურთიერთობა ფრიულის ბინადრებთან , რაც სამომავლო წარმატების გარანტიას იძლევა : ” ბრავისიმო ჯუზეპე ! ამ ადამიანმა ” საშინელი ” რამ ჩაიდინა . ასეთ მოკლე დროში , ორი დიდი ტრანსფერის განხორციელებას , სხვას ვერაფერს დავარქმევ . ბრავისიმო ! მაროტამ ტრანსფერებთან ერთად უდინეზეს ხელმძღვანელობასთან მეგობრული ურთიერთობა დაამყარა , ზუსტად ისეთი როგორიც ” ჯენოასთან ” და ჩვენთან აქვს . ეს მას და ” იუვენტუსს ” სამომავლოდ გაცილებით დიდ წარმატებას მოუტანს “ .

წყარო : tuttosport