სატრანსფერო ჭორები და სიახლეები

ჯუზეპე მაროტა მაურიციო ისლასა და კვადვო ასამოას ტრანსფერებზე შეჩერებას არ აპირებს.La Gazzetta Dello Sport – ის მიერ გავრცელებული ინფორმაციით, უახლოეს დღეებში ბიანკონერებთან კონტრაქტს პოლ პოგბა მოაწერს, რომელიც იტალიას უკვე ეწვია და ხელშეკრულების დეტალები განიხილა.

თავდასხმის ხაზში უმაღლესი დონის ფეხბურთელის დამატებამდე, ტურინელთა ხელმძღვანელობა დაცვის ხაზის გაძლიერებას კრისტიან საპატას ტრანსფერით გეგმავს.კოლუმბიელი მცველი “ვილიარეალის” დატოვებას აპირებს და მაროტას წინადადების შემთხვევაში, კარიერა შესაძლოა სწორედ ტურინში განაგრძოს.Tuttosport – ის ინფორმაციით, მოლაპარაკებები ბებერ ქალბატონსა და ესპანელებს შორის უახლოეს დღეებში იგეგმება.

დავუბრუნდეთ კვლავ ისლასა და ასამოას ტრანსფერებს, რომლებიც, იტალიური პრესის მტკიცებით ძალზე ახლოს არიან შავ-თეთრი მაისურის მორგებასთან.ჯუზეპე მაროტას  მიერ გამართული მოლაპარაკებების შემდეგ ცნობილი შეთანხმების დეტალები გახდა.საერთო ჯამში, ორივე მოთამაშის ტრანსფერი ტურინულ გრანდს 30 მილიონი ევრო უჯდება, მაგრამ ნახევარს ბიანკონერები ახლა გადაიხდიან, ნახევარს კი 2013 წლის ივნისში.არ არის გამორიცხული, ტრანსფერში საფირ ტაიდერის ( ასპარეზობს “ბოლონიაში” არენდით ), მიკელე პაციენცას და ლუკა მარონეს უფლებათა პაკეტები იყოს ჩართული.ყველაზე რეალური რა თქმა უნდა პაციენცას ფრიულიზე დარჩენაა, რომელმაც ადაპტაცია უდინურ კლუბში უკვე გაიარა და რაც მთავარია, გვიდოლინი მისი დიდი თაყვანისმცემელია.

რაც შეეხება მარკო ვერატის, მისი ტრანსფერი მართლაც უსაზღვროდ გაიჭიმა.Sky Sport – ის მტკიცებით, საქმეში ჩართვა არც მეტი არც ნაკლები მილანის “ინტერმა” გადაწყვიტა, თუმცა ჯუზეპე მაროტას კონკურენცია ვერც ნერიაძურის ხელმძღვანელებმა გაუწიეს.”პესკარასთან” ტურინელებმა საბოლოო შეთანხმებას უკვე მიაღწიეს და სულ მალე, ტრანსფერი ოფიციალურად უნდა დადასტურდეს.ხელშეკრულების დეტალები ასეთია, მაროტა ახალგაზრდა იტალიელის უფლებათა პაკეტს სრულიად დაეპატრონება, თუმცა მარკო არენდის წესით ერთ სეზონს კვლავ “პესკარაში” გაატარებს.

ნახევარმცველების შემდეგ ფორვარდების დროც დადგა.Itasportpress.it – ის ინფორმაციით, ბიანკონერების სამიზნეთა სიას დორტმუნდის “ბორუსიას” ფორვარდი, რობერტ ლევანდოვსკიც დაემატა.ამ საკითხთან დაკავშირებით იტალიელმა ჟურნალისტებმა კომენტარის გაკეთება პოლონელის აგენტს, სეზარ კუშარსკის თხოვეს, თუმცა ამ უკანასკნელმა დუმილი ამჯობინა და ყვითელი პრესის წარმომადგენლებს უსიტყვოდ გაშორდა.

ასამოასა და ისლას შემდეგ ბიანკონერები ფორვარდზე ნადირობენ, სიაში წამყვანი პოზიციები გონსალო იგუაინს, რობინ ვან პერსისა და ლუის სუარესს უჭირავთ.

წყარო : Calcionews24 ; Tuttojuve