სატრანსფერო ციებ ცხელება …

Sky – ს ინფორმაციით , გუშინ შესდგა შეხვედრა მაროტას , პარატიჩის და ბოლონიას სპორტული დირექტორის ძანძის შორის , სადაც ფრედრიკ სორენსენის მომავალი უნდა გარკვეულიყო . მოლაპარაკების თანახმად , სკანდინაველი კიდევ ერთ სეზონს გაატარებს არენდის წესით ” ბოლონიაში ” . კიდევ ერთი ფეხბურთელი , რომელიც ამ ორი კლუბის თანამფლობელობაში იმყოფებოდა გახლავთ ტაიდერი . გუშინ მოკრძალებულმა კლუბმა სრულად გამოისყიდა ეს მოთამაშე . სხვა სატრანსფერო სიახლეები იხილეთ სრულიადში …

ამავე დღეს , შესდგა შეხვედრა სემ ელერდაისთან , რომელიც იტალიაში ჩაფრინდა . ” ვესტ ჰემის ” მთავარი მწვრთნელის ინტერესებში უფრო მეტად ელჯერო ელია არის ვიდრე მილოშ კრასიჩი . ბრიტანელებს სურთ სრულად გამოისყიდონ ჰოლანდიელის ტრანსფერი . თუმცა , მარტო გარემარბებით როდი იყვნენ დაინტერესებულნი . გემოვნებამ ფაბიო კუალიარელამდეც მიიყვანა , მაგრამ აქ უკვე იტალიელებმა უარი განუცხადეს ბრიტანელ კოლეგებს .

ვან პერსის თაობაზე მოლაპარაკებები ყოველ დღიურად მიმდინარეობს , თუმცა პარალელურად ბიანკონერი ცენტრალური მცველის ძიებაშია . გუშინ ბიანკონერის წარმომადგენლები დავიდე სარტორტის , კიევოს სპორტულ დირექტორს შეხვდნენ . დიალოგის მიზეზი აჩერბის სატრანსფერო ფასი იყო , გამომდინარე იქიდან თუ რამდენად ძვირი სიამოვნება ჯდება ჰუმელსის და როლანდუს ტრანსფერი .

რიგით მეოთხე შეხვედრა კი ” ნიცას ” წარმომადგენლებთან გაიმართა , რომელთაც დიდი სურვილი აქვთ საკუთარ რიგებში ახლგაზრდა ალბერტო ლიბერტაცი იხილონ . პარალელურად ნოვარასთან კი მიმდინარეობდა მოლაპარაკება სტეფანო ბელტრამეს თაობაზე , რომელმაც საკმაოდ კარგი შთაბეჭდილება დატოვა ბიანკონერის პრიმავერას რიგებში ასპარეზობდა რა შემტევი ნახევარმცველის პოზიციაზე .

დღეს დაგეგმილია კვადო ასამოას აგენტთან შეხვედრა . განელი ფეხბურთელი , მაურისიო ისლასთან ერთად პარასკევს გაივლის ტურინში სამედიცინო შემოწმებას .

ხვალ დაგეგმილია ლეგა კალჩოს ყრილობა , რომელსაც კლუბები სათანადო დონეზე გამოიყენებენ . სავარაუდოდ ხვალევე გაფორმდება ბრეშადან ელ კადური , რომელიც შესაძლოა მარკო ვერატის ტრანსფერის ერთ ერთი შემადგენელი ნაწილი გახდეს .

ემანუელე ჯიაკერინიც , როგორც ჩანს სწორედ ხვალ გახდება ბიანკონერის სრუყოფილი წევრი , მას შემდეგ რაც მაროტა სრულად გამოისყიდის ” ჩეზენასგან ” კონტრაქტის ნახევარს . ყველაზე მთავარი კი იქნება ” პარმას ” მესვეურებთან შეხვედრა , სადაც უნდა გადაწყდეს სებასტიან ჯიოვინკოს მომავალი .

წყარო : TuttoJuve, La Stampa